بسم الله الرحمن الرحيم
البارح كانت عندنا السهره وفكرت وش اعمل عشاء فقررت اني اسوي برياني الاخت شقيه بس رومنسيه بصراحه مرررره لذيذ وطعمه شي خرافي انصحكم تجربونه لما دخلت بنت عمي تقول شميت ريحته اللذيذه من عند الباب
الحين يالغاليات نبدأ بالمقادير:
علبتين زبادي
هيل
قرنفل(مسمار)
قرفه(دارسين)
معزز نكهات
بهارات مشكله
كزبره
فلفل احمر حار بودره
كركم
فلفل أسود
بصل مقطع شرائح صغيره
ليمونه مقطعه شرائح نصفها باللب والنصف الثاني ننزع منه اللب
زنجبيل مبشور
زنجبيل مقطع اعواد رفيعه
فصين ثوم مفروم
هنا دجاجتين نزعت الجلد عنها وقطعتها اثمان وغسلتها زيييين ونقعتها بعصير ليمونه وكاس شاي خل ابيض وملعقة ملح خشن تقريبا ربع ساعه
هنا نحط الزبادي والبهارات الناعمه والزنجبيل المفروم والثوم المفروم على الدجاج ونقلب الخلطه دقيقه
نخلطها كويس ونغطيها ونتركها على جنب
الحين نحمر البصل بالزيت لين يصير اشقر بعدين نضيف له اعواد الزنجبيل وقطع الليمون باللب وبدون لب ونقلبهم زييين
هنا اضفنا للبصل خلطة الدجاج وحطيت شوي ملح وشوي نعناع ناشف وقلبتهم زيييين لين تجانست المقادير مع بعض وغطيتهم وتركتهم على نار وسط مدة ساعه الا ربع تقريبا
لين يستوي الدجاج سويت الرز سلقته مع البهارات الصحيحه(هيل وقرنفل وقرفه)وتركته حتى يستوي
لما يستوي الدجاج انشله من المرقه اللي بقت بالقدر واخليه على جنب ولما يستوي الرز ثلاث ارباع استوى نضيف المرقه اللي بقت من الدجاج على الرز ونصف الدجاج فوق الرز ونغطيه بقصدير ونخليه يستوي على نار هاديه لين ينشف الرز
(هنا نسيت اصور هالخطوات بنتي جننتني)
قدمت معاه سلطة الخيار بالزبادي
مع البصل الاخضر والمخللات بس للاسف ماصورت المخللات
وهذا الشكل النهائي للبرياني زينته بالطماطم والليمون والبقدونس المفروم
وبالف صحه وهنا على قلوبكم
لاتنسون تدعون لي بالفرج القريب لزوجي وبالستر والهدايه والصلاح لبناتي ويرزقني ربي الولد الصالح
ولابوي واخوي بالرحمه والمغفره
وآآآآآآآآآآآآآآسفه على الأطاله
يعطيك العافيه
والله يستجيب دعائك ويرحم ميتكم