تطبيقي لبسبوسة التمر

السلام عليكم طبقت بسبوسة التمر بس مدري لمين😁😁 لكن محتفظه بوصفتها في الملاحظات
المووووهيم روعه روعه روعه
شلتها لنفاس سليفتي هي الصحن الوحيد اللي انلحس ع الاااخر
وهذي هي الوصفه الله يجزي صاحبتها كل خير


‎المقادير
‎كوب سميد
‎كوب حليب بودره
‎كوب بسكوت شاهي(أولكر) مطحون خشن
‎أربع ملاعق كبيره جوز هند
‎ثلاث أرباع إصبع زبده
‎ملعقه كبيره نسكافيه
‎كوب تمر
‎(ضرف كريمه كراميل بودر + نصف غطاء خل أبيض)هذي سر بسبوستي تعطي هشاشه وطعم عجيب أحطه حتى مع السبوسه العاديه والمحشيه والله كل ماسويتها لأحد يسألون عن طريقتها
‎كوب ماء
‎2 بيضه
‎ملعقه كبيره بيكنج بودر
‎ملعقه كبيره فانيليا
‎ملعقه ك سكر لأن التمر والكريمه بتحليها أنت ذقوها إذا تحبونها حاليه زيدو السكر
‎ملاحظه ( الكوب السنخدم كوب الجبن العادي لكل المقادير )
‎الطريقه تخلط كل المقادير في الخلاط تمام لين تلاحظون التمر ذاب ثم نضيف البكنج آخر شي
‎تم نجهز صينيه متوسطه مدهونه ثم نكسر شعيريه باكستانيه فيها
‎ثم نصب الخليط
‎ثم نكسر شعيريه ثاني على الوجه
‎وندخلها الفرن يكون ساخن من قبل
‎نجهز الصوص
‎1 قشطه قيمر
‎3 حبات جبن كيري
‎5 حلاوات بقر مذوبه في حليب على النار أو ربع ضرف كريمه كراميل بودر
‎نسكافيه مذوبه في شوي ماء
‎ربع نستله كبير أوزيدوا إذا تففضلونه حالي شوي
‎رشه فانيليا
‎نحطه في الخلاط ونصبه على البسبوسه وهي حاره بعد ماتنضج ثم نبشر جالكسي واحد ساده على الوجه ثم الثلاجه


انا ماحطيت جالكسي واستبدلت الزبده بنصف كوب زيت وكمان ماحطيت شعيريه
صورتها بس مااعرف انزل صور😢