ما شاء الله تسلم ايدك
الله يشفيكي يارب
raadds
•
الله يشفيك ويعافيك
ويجبر مصابك في ولدك
ويخلف عليك بالخلف الصالح
ويغنيك وينعم عليك ويكبر واجبك
ويسلم يدياتك وويحرمهن على النار
ويجبر مصابك في ولدك
ويخلف عليك بالخلف الصالح
ويغنيك وينعم عليك ويكبر واجبك
ويسلم يدياتك وويحرمهن على النار
الصفحة الأخيرة
لكن الاستفسار مو مكانه المناسب لو حطيته في الاطباق كان الكل راح يفيديك والحوائيات مايقصرون ..
بأعطيك طريقة حلى هو أساسا تشيز بس أنا سويته في صحون القوالب الصغار وطلع حلو ولذيذ ..
الطبقة الأولى : بسكويت دايجستف الصغير + نص زبدة توزعينه في القوالب وحاولي ترصينه في القوالب عشان يطلع مضغوط أضغطه أنا بغطا مويه صغير
الطبقة الثانية : في الخلاط تخلطين علبة حليب نستلة وعلبة جبنة فيلادفيا أو 12 كيري .
وفي الخفاقة تخلطين ضرفين دريم ويب و كاس كريمة خفق بارد لحد ماتحسين أنها نفشت بعدين تضفين لها خليط الجبن والنستلة وآخر شي تكونين مجهزة بيالة موية حارة مذوبة فيها ملعقة ونص جلاتين وتحطيها على الخليط بعدين توزعينها في القوالب وحطيها في الثلاجة تبرد
الطبقة الثاالثة والأخيرة: في حمام مائي حطي 6 حبات سنكرس كبير و ربع زبدة وربع كوب حليب راح يطول شوي وهو يذوب لاتخافين وإذا ذاب كويس حطيها بالتساوي على القوالب وحطيه في الثلاجة ..
وثقي ثقة تامة إذا قدمتيه لضيوفك ماراح يبقى منه شي ..
يمكن تحسيه صعب أو كثير بس بالعكس سهل أهم وأنت تشتغلين في توزيع الخلطة على القوالب خليك جالسة عشان لا تتعبين ..
وفيه بعد عندي طريقة لأوراق الكب كيك طريقة كيك التمر وكيكة الزبادي سهلات ويحوبنها الناس ..
بس أهم شي إذا الأوراق اللي عنك مقاسها صغير حطيها في صياني الكب كيك الصغيرة وإذا كانت كبيرة حطيها في الصينية الكبيرة لإني مرة حطيت الأوراق الصغيرة في الكبيرة فطلع شكلها مو مورتب وحلو عشان كذا راعي هالنقطة .
كيكة الزبادي ( بيضتين - فانيليا - نص كوب سكر - نص كوب زيت- علبة زبادي - كوب ونص دقيق - ملعقة بكينج بودر ) اخلطيها مثل أي كيكة بعدين وزعيها في أوراق الكب كيك وترشين عليها شعيرية باكستانية مكسرة صغير بعدين على الفرن وإذا طلعت من الفرن اسقيها بحليب نستلة ..
كيكة التمر : في الخلاط ( كوب تمر مع كوب ماء دافي ونص كاس سكر ونص كاس زيت وثلاث بيضات وفانليا )
اخلطيها كويس بعدين اخلطيها يدوي مع كاس وربع دقيق وملعقة كبيرة بكينج بودر ووزعيها في أوراق الكب كيك بعدين دخليها الفرن وجهزي الصوص حقها وهو . على النار : ( ربع زيدة - 2 فنجال نستلة - فنجال سكر بني - 4 ملاعق لوز مبشور - 3 ملعق جوز هند - 1 ملعقة كبيرة قرفة )
و وزعيها على الكيك بعد مايطلع من الفرن ..
إذا محتاجة أفكار زيادة من عيوني لأني حسيتك بجد محتاسة ..
إن شاء الله إنك راح تبيضين الوجه قدام ضيوفك بس أم شي طمنينا بعيدين وش وسويت ..
الله يفرح قلبك باللي تبغين ..