تطبيقي لحلى الاناناس الكذاب

السلام عليكم ورحمه الله وبركاته
اليوم سويت حلى روان حلى الاناناس الكذاب وطلع جنان
وحبيت اوريكم تطبيقي

مقادير الطبقه الاولى:

1كأس جوز هند
1كأس حليب بودره
4 بيضات
بياله ماء
نص بياله زيت
نص بياله سكر
1ملعقه بيكنج بودر

الطبقه الثانيه:

1 علبه حليب مركز (نستله)
10 حبات جبن كيري
الطبقه الثالثه:

بسكوت اولكر بالسمسم

الطبقه الرابعه:

2 ظرف كريمه كراميل
1 سفن آب

الطريقه:
1_نخلط الطبقه الاولى في الخلاط ونصبه في صينيه تيفال ثم تحطينها بالفرن.
2_ تخلطين الطبقه الثانيه في الخلاط ثم تصب على وجه الصينيه بعد مايتشقر اطرافه ورجعيها للفرن على العين العلويه.
3_بعد ماتتماسك تخرجينها وهي ساخنه صفي عليها البسكويت
4_اتركيها لين تبرد شوي والطبقه الرابعه اخلطيها على النار لين ماتغلي ثم ارفعيه عن النار
ثم صبيها على وجه الصينيه.
5_ثم دخليها الثلاجه لين ماتبرد وتثبت طبقاتها ثم قطعيها بكاس او علبه البيكنج بودر اهم شي يكون على نفس الحجم.

انا حمرت طبقه الجبنه والنستله فطلعت كذا
وبس استناكم بالردود