امس الجمعه ع الغدا احترت شسوي حلى خفيف وسريع وبنفس الوقت لذيييذ .. كان نفسي اسوي حلى طبقات الجلي بس يطووول وانا وقتي قصير يعني ابي شي جاهز خلال ساعتين << عن الهذره:a_smil17:
قلت مالي غير عالم حواء ياحبي له وسبحان الله اثق في خبرات عضواته خصوصا في المطبخ .. حتى والله العظيم لما اجي ابحث في قوقل عن طبخه معينه اكتب بعدها عالم حواء عشان تطلع لي تجارب العضوات هنا .. مثلا ( مكرونه بالبشميل عالم حواء ) (حلى سريع وخفيف عالم حواء ) وهكذا
المهم جيت المنتدى والقى اول شي حلا كاسات الطحين .. لما قريت الاسم سار وجهي كذا :eek:
بس لما نزلت عيني لكاتبته الموضوع سار وجهي كذا :07: وقلت يلا يبنت جربي وخصوصا انه ابدآآع من العضوات اللي اثق بطبخهم جدا << مو كأنك طولتيها حيل
يلا مابطول عليكم وببدأ ,, بسم الله
الطبقه الاولى :
جبت كيك باوند كيك من أمريكانا يالشوكولاته جاهز وأخدت نصه وفتته في ست كاسات ( بدون ما أرصه حطيته عادي زي ماسوت إبدآآع )
الطبقه الثانيه :
كوب ونص ماء - كوب حليب بودره -3 ملاعق دقيق كويتي - اصبع زبده (ماكان عندي حطيت بياله شاي زيت ) - بياله شاي سكر - ملعقه صغيه فانيلا
تخلط المقادير مع بعض وتوضع ع النار لحد مايغلظ قوامها مع التحريك المستمر حتى مايتكتل
انا معي ما اخذ دقيقه الا وهو ساير ثقيل وثواني كمان وتكتل :humm:
عاد ابدآآع في موضوعها قالت لو تكتل حطيه بالخلاط وانا الله يسعدني ما انتبهت لهالنقطه بس وربي حتى لما اتكتل طلع جنااان .. شلت بالملعقه وحطيت بالكاسات
الطبقه الثالثه :
علبة قشطة -ظرف دريم ويب -ظرف كرم كرميل -ملعقة كبيرة شوكولاتة بودرة -2ملعقة كبيرة نشاء -5 ملاعق كبيرة نوتيلا
نحط المقادير كلها بالخلاط
نصب الخليط في الكاسات ويا سلآآآم .. الطبقه الثالثه مثل ماقالت إبدآآع ماراح تجمد وتقسى لا بتظل سلسله حتى مع الثلاجه ونفس الشي الطبقه الثانيه ..
وهنا الشكل النهائي بعد ما زينته ..
صراحه رائع جدا جربوه ولا تتخوفو .. وهذا رابط موضوع ابداع الاصلي
كاسات حلى الطحين بنوتيلا والكريم شانتية ... من ابداع تونه لعيونكم حوائيات ... حياااكم
في أمان الله
تطبيقك رررووعة
سلمت يدك ويدها حبايب