اخواتي هذا موضوع تطبيقي لخلطة العضوة ( غنوة ) ربي يسعدها
وطبعا طبقتها عن طريق العضوة ( عميقة جدا ) ربي يسعدها بعد
كان شرحها مفصل وواضح ربي يوفقها .. والي خلتني اتحمس بعد نتايجها
على اختها وبنت اختها ربي يحفظهم من كل عين يارب ..
انا كان عندي خلطة غنوة الثانية الي هي ( السبع زيوت ) انا خلطتها
بالثوم المقطع يعني غليتهم عالنار وصفيتهم ومن
فترة كنت استخدم الخلطة هذي لبناتي لانها جابت نتيجة بالمرة ممتازة
وحاليا استخدمتها مع خلطتها الثانية الي هي صبار وحلبة
يعني خلطت الصبار والحلبة مع السبع زيوت ..
في البداية اشتريت الصبار حجم كبير واخذت ورقة الصبار غسلتها ونشفتها
وشقيتها من الجنب وبعدين احضرت حلبة ناشفة وحطيتها داخل الصبار
انتبهوا الحلبة لاتغسلونها عشان ماتعفن داخل الصبار
المهم بعد كذا احضرت فوطة نظيفة ومبلولة ضروري تكون رطبه ولفيت فيها
الصبار واغلقتها باحكام وخليتها بالمطبخ وكل يوم ارشها بالموية مرتين
باليوم مجرد ترطيب فقط بعد ثلاث ايام نبتت مرررة وهي اصلا من ثاني يوم ماشاءالله نبتت
طالعوا هنا الصور
ثلاث ايام وتطلع بهالشكل ..
شوفوا كيف الحلبة نبتت عالفوطة يعني مو بس داخل الصبار .. سبحان الله ..
وهنا اضفت جل ولب الصبار والحلبة على السبع زيوت ..
وهنا انخلطو تمام .. بعد كذا عبيتها بعلبة وخليتها بدولاب المطبخ
وباذن الله اجربها لبناتي وانا متفائلة مع هالخلطة خير وان شاءالله بعد فترة
اعلمكم النتيييييييييجة .. يارب استفدتوا انا ما ابغى الا الدعاء لي بالشفااااااء العاااجل
اتركم بحفظ الله ورعايته ..