سويسرول تاله وسن من انجح الطرق حتي ف عمل الكيك الاسفنجي
وسهل وخفيف ومش بياخد وقت
والصراحه ده تطبيقي يمكن للمرة العشره وعجب الكل
والميزة فيه ان طريقته مش فيها فصل الصفار لوحده والبياض لا كله مرو واحدة
وتشعري بالسعادة وانتي بتعمليه
وعشان كده حبيت أخصص له موضوع لوحده بالخطوات المصورة
المقادير
كوب دقيق منخول
كوب سكر عادي يعني مش مطحون
6 بيضات+ فانيلا
نقطة خل
م ص ب ب
شفتوا المقادير ولا اسهل
الطريقة
نضع البيض والفانيلا والخل ف العجانة مع مضرب الشبك
ونخفق حتي يرتفع القوام ويتماسك ويصبح البيض مثل الكريمه
بعد البيض مايوصل لهذه المرحلة نضيف السكر بالتدريج يعني شوية ونخفق وهكذا انا حطيته ع ثلاث دفعات
كده خلاص مش هانحتاج للعجانه
نضيف الدقيق المنخول مع البيكنج بودر كمان بالتدريج علي دفعات ونقلب بالاسباتيولا من فوق لتحت وبالراحه علي
مهلك مش مستعجلين لا ورانا اولاد ولا مذاكرة ولاحاجه خخخخ
وده عشان نحافظ ع الهوا اللي بالداخل
وانا ضيفت من عندي زيادة ع الوصفة برش برتقال
لان بحب طعمه ف الكيك وكمان احتياطي يمنع زفرة البيض
ونكون مجهزين صينية مستطيله ومفروشه بورق الزبده ضروري الخطوة دي
ونصب فيها خليط الكيك ونساويه
وندخله الفرن انا فرني كهربا شغلت من فوق وتحت
وخلي بالك تكوني معايرة الوقت لاتزيد عن 8 دقائق واكتر شي عشر دقائق
عسان مش يكون ناشف وتعرفي تلفيه
ومرة تانيه عملته ف صينيتن اصغر شويه
ثم تقلب فور خروجها م الفرن ع ورق قصدير او فوطه نضيفه مبلوله ومعصورة كويس جدا
وتلف رول وندخلها الثلاجه حتي تبرد
تابعوا معي باقي الموضوع
رجاء عدم الرد حتي اكتمال الموضوع
بعد كده نفردها كمان بهدوء ونحشيها
ملحوظه:
لوحبيتي تكون القطعه عريضة مثل الشكل الاول لفيها بالطول
او حبيتي تكون القطعه صغيرة مثل طريقة اختي تاله لفيها بالعرض
انا هنا استخدمت نوعين م الحشو
الاول: خفقت دريم ويب مع علبة قشدة و3 حبه كيري
ودهنت به الكيك واضفت قليل من مربي الفراوله
الحشو الثاني:
طريقة الغاليه تاله وسن
علبه قشطه + 2 م ك كاكاو+3 م ك سكر
والحشو ده رائع حسيته بديل للدريم ويب
وكمان بديل للنوتيلا
جزاها الله كل خير
جربوه يابنات الصراحه خفيف جدا ولذيذ جدا
وفي الختام اسأل الله العظيم ان يعطي اختي تاله وسن الصحة والعافيه ويبارك لها ف أولادها
ويجعلهم من الصالحين وحفظة قرآنه الكريم
جزاها الله كل خير
في رعاية الله وامنه
ولاتنسوني من دعواتكم
والحمد لله الذي أطعمنا وسقانا وكفانا فكم ممن لا كافي له ولامأوي
دعواتكم لمصر وسوريا
اللهم احفظ بلاد المسلمين في كل مكان