بسم الله الرحمن الرحيم
السلام عليكم ورحمة الله وبركاته .. مساكم ورد ياحوائيات .. اليوم ان شاء الله راح اوريكم تطبيقي لشكل الورده من المعجنات للغاليه memka .. طبعا كنت مستصعبه عملها وقلت هذي مشربكه وانتي وش لك وش للشربكه:22: خلك عالفطاير العاديه وانتهى الموضوع :hahaha: .. لكن عزمت وحطيتها براسي .. ولما حطيتها براسي طلع معي هالابداع سويت شكل الورده من معجنات memka وبباقي العجينه سويت كراوسون مثل ماسوت ، بس انا حشيت الكراوسون 3 انواع مختلفه من الجبن وزعتر ناشف ونعناع وكمون حب ، وبعضها مرتديلا ديك رومي ، اما الورده فسويتها ساده .. وان شاء الله تعجبكم وتعجب memka تطبيقاتي.. طبعا انا استخدمت عجينتي المعتمدته اللي هي : 6 اكوب دقيق كويتي
ملعقتين كبار خميرة فوريه .
كاسين حليب دافي وكل كوب فيه 5 ملاع حليب بودره .
ربع كوب زيت ذره .
نص ملعقه كبيرة بيكنج باودر .
رشة ملح
فنجان قهوه سكر.
لمعة الوجه :
صفار بيضه مع حليب سايل شوي .
سم سم .
والله العظيم يابنات طلعت هشه ماشاء الله تبارك الله مثل القطن وزوجي انهبل عليها قال ولا شغل المطاعم ماشاء الله .. وريحتها امممممم تفتح النفس للاكل .. والصور والله مهما تكون مو بجمال الشوف على الطبيعه جربوها مره حلوه وسهله .. بس يبيلك تكون سخيه في دهنها بالزبده بين الطبقات عشان تقدرين تفصلينها عن بعض .
وبالعافيه مقدما ..:26: .