السلام عليكم
هذي الطريقه شفتها قبل كم يوم وراح احاول ابحث لكم عن الرابط لاني نسيت صاحبتها
طبقتها اليوم وصورتها لكم
اول شي المقادير (استخدمت نص مقادير صاحبة الطريقه )
3 أكواب دقيق بر
2 كوب سكر
زنجبيل بودره
هيل مطحون
حبة البركه
4 لتر ماء تقريبا
أول شي حمست الطحين وخليته على جنب يبرد
بعدها حطيت السكر عالنار وقلبته باستمرار عشان مايصير مر
لحد ماصار لونه بني
وبعدين جبت الماي وكان مغلي وبديت اصبه كوب كوب بالتدريج مع التحريك
وخليته لحد ماذاب السكر كله بهالشكل
بعد كذا اضفت الزنجبيل البودره والهيل والحبه السودا
ضفت ثلثين تقريبا كمية السكر المذوب على الطحين وحركتها لما صار قوامها تقريبا مثل خليط الكيك
بعد ماحركته حطيته على نار متوسطه لمدة نص ساعه
طبعا انا حطيت نص اصبع زبده ماكانت موجوده في الوصفه الاساسيه بس اطعم
وهذا شكلها بعد النص ساعه
يـــتـــبع
بعدها ضربتها مره ثانيه
وهذا شكلها النهااائي