السلام عليكم ورحمة الله وبركاته
قبل أبدا احب أشكر هالإنسانه ام نجد , ربي يوفقها ويعطيها العافيه ويستر عليها ويرزقها من خير الدنيا والأخره ..
أسأل الله ان يعم هذا الدعاء على جميع بنات عالم حواء .. و المسلمين اجمعين
ابدأ أولاً بالعشاء اللي سويته .. جريش يحبه قلبكم ..
وان شاء الله بعتمد هالطريقه دائما لانها مريحه وتواجه ولذييييييييييييييييذه بالحيل بالحيل ..
بس تعذرني ام نجد اذا ما سويت بنفس طريقتها بالضبط بالضبط لان شاحن اللاب طفى واعتمدت على ذاكرتي في وصفتها ..
يعني تقدرون تقولون هذي طريقتي في تطبيق طبخه ام نجد يا حبي لها
أول شي سويت كشنه بصل وطماط مع الزيت ..
ورشيت عليها بهارات جتني هديه :35: + ملح
وحطيت عليها الدجاج المفتت ..>>> أقولكم سرر .. الدجاج من الغداء زايد يعني ما تعبت نفسي وسلقت دجاجه جديده
وحركتهم شوي لمده دقيقه
بعدين اضفت لهم ( جريش قطري + رز امريكي أو مصري انا حطيت امريكي ) نقعتهم لـ مده ساعتين بماء دافي ..
<< ام نجد قالت الجريش ثلثين والرز ثلث .. عاد انا خبصت وما تذكرت الا لما فات الفوت خخخخ
ساويت الجريش بالرز .. كل كاس جريش حطيت كاس رز
وحركتهم شوي ..
وحطيت ( 2 كرتون ماجي + 5 حبات جبن كيري )
وحطيت مويه
وتركته لين فاح وتشرب الجريش والرز المويه .. وطول هالمده احرك كل 10 دقايق .. وازيد مويه ..
لـ حد ما مرت ساعه وقصرت على النار لآخر شي وتركت على راحته
وكل ربع ساعه أحرك .. واضرب بالملعقه الخشب ..
يعني مدة طبخي كانت ساعتين بس يمكن علشاني قللت الجريش وساويت الرز فيه ما احتاج مده طبخ كبيييره
وبعدها حطيته بحافظه وسويت كشنه بصل وزبده ع النار وحطيته فوقه ورشيت عليهم مسمنه جاهزه
وهذي صورته .. الصراحه طلع روعه روعه روعه ..
واعجب اهلي كثيييير ..
انا يا دوب كلت ملعقة والباقي لقيتهم مخلصينه , عليهم بالعافيه ان شاء الله
صوره ثانيه للتعذييييييب :09:
وبالعافيه
,,
يتبع لـ احد يرد وإلا بشوته بالملااااس اللي بيدي خخخخخ
نجي الحين للغداء ,
مقلوبه يا زينها زينااااااااااااه :32:
والله شكلها مو شكل مقلوبه بس أنا إلا غصب أسميها مقلوبه ههههههههههههههه
تسلم يد راعيتها
حطيت كشنه جاهزه مجهزتها من البارح .. بصل وطماطم وصلصة طماطم وبهارات وشوي ملح وطحنتهم
وحطيت الدجاج والخضار قطعتها كبار علشان ما يحوسوني لاجيت اطلعهم
وصبيت عليهم مويه وتركتهم نص ساعه
وطلعتهم .. الدجاج حطيته بالفرن .. والخضار قطعتهم صغار ..
>>> انا ما حطيتهم بالزيت من البدايه علشان اهلي ..
ولا شويتهم لإن اللي عندي ما يحبون الخضار المشويه ..
فـ اتجهت للحل السهل " السلق "
المهم بعد كذا جبت قدر و كشنت بصل وطماط
وحطيت بهارات خفيفه ..
ورصيت الخضار فوق " كوسه + قرع + جزر " هذا اللي عندي خخخ :22:
وكبيت فوقهم الرز وزدت عليه من مرقة الدجاج
وخليته لين ما خلص وطفيت عليه ..
وهذي صورته
وبالعافيه علينا :42:
وش رايكم بتطبيقي ومقلوبتي اللي مدري وش تحس فيه.. :22:
,,
:icon28:
انتيهت الحمد لله من الموضوع
ما بغينا