السلام عليكم
مالي بالمقدمات بدخل ع طول
سويت اليوم طريقة اختنا العزيزة فتاة الاسياح بس غيرت وعدلت وبدلت وطلعت رووعه
وطعم العجين ع قولتها ف الراس ..مو بس ف الراس لااا سوت اختراق برا الراس:icon28:
الصور مع الشرح الي غيرته
في قدر الضغط حطيت ربع كوب زيت زيتون وحطيت قطع اللحم وقلبته 10 دقايق لمن تحمر وطلعت ريحته
حطيت عليه بصله وحده مقطعته صغار مره وقلبته لمن صار بني اشقر وبعدين حطيت 2 طماطه مبشوره
وبهارات وملح وكركم وببريكا وحبات هيل وحبتين ليمون اسود مجفف (لومي) و2 م كبيره معجون طماطم
وقلبتهم زي كذا
وبعدين حطيت 3 كاسات مويه وشرائح فلفل بارد زي كذا وقفلت القدر وتركته لمن صفر وبعدين رخيت النار وتركته
20 دقيقه ع حسب نوع لحمتك ترا...بعدين طفيت النار ورفعت الصفيره ولمن هدا فتحته وهذي النتيجه
طبعا تكونين مسويه عجينه مكونه من 4 اكواب دقيق اسمر وشوي ملح ومويه دافيه لمن تتماسك لاتصير لينه ولا
قاسيه واتركيها نص ساعه ترتاح وبعدين ادهني الصينيه شوي زيت وافردي العجينه وارفعيها من الاطراف
منقعه الرز هنا مدة ساعه بمويه دافيه بعدين صفيته وكبيته ع العجينه
هنا كبيت اللحمه مع مرقتها بس مو كلها باقي من المرقه تقريبا نص كاس ماحطيته والمرق يغطي الرز بس...بعدين قفلت العجينه زي شغل اختنا العزيزه بس مشكلتي صارت العجينه شويه ...بس ماتقوف علي جبت قطعة قصديره وكبستها ع الفتحه الي ماتقفلت وضبط ودخلتها الفرن ع حرارة 180 درجه من تحت بس ع الرف الاوسط وتركتها ساعه بعدين رفعت القصدير وولعت النار الي فوق..بكذا صار الفرن مولع من تحت وفوق وزودت ع الحراره الى 200 درجه خليته ربع ساعه زياده وبس
بعد ماطلعته من الفرن
بداية الغرف اللهم صلي ع محمد
وصولا الى النهايه ماشاء الله تبارك الله
العجينه فعلا لذيذه وكرسبي
رابط الموضوع الاصلي جزاها الله كل خير
http://forum.hawaaworld.com/showthread.php?t=2808666
مااحلل النقل الا بترك الحقوق على الصوره
دعواااتكم لي...يمدحون التقييم هههههه
الله يسعدك ويوفقك ويعطييك العاافيه..