تطبيقي لكيكة التفاح للاخت ورود المحبة

تسلم الايادي ياليت الرابط

بقولك على الطريقة لان الرابط ماني عارفتلة لان اتصفح من قوقل كروم ماهو اكسبلور المهم

نجي للمقادير:

4 بيضات + فانيليا
كاس حليب سائل
2 ملعقة كبيره بيكنج باودر
كاسين و نص طحين و نص كاس نشا
نص كاس زيت
كاس و ربع سكر عادي

الطريقه:

اخلطي السوائل في الخلاط مع بعض ثم ضيفي عليهم الطحين المنخول مع البيكنج باودر و قلبي بشويش لين يختفي الطحين و لا تكثرين خلط
صبي العجين في صينية الخبز
و تكونين مجهزه الحشوه قبل شغلك في الكيكه:
تفاحتين كبار مبشوره + ملعقتين دارسين بودره + ملعقة اكل سكر بودره
تخلطينهم مع بعض و تنثرينهم على وجه الكيكه و تدخلينها الفرن و بعد ما تستوي
وهي ساخنه تدهنين وجه الكيكه بمربى المشمش و اذا كان المربى جامد خففيه بشوي ماء ساخن و اتركهيا تبرد
للزينه:
كاس سكر بودره + فنجان حليب سائل او ملعقة حليب بودره مع فنجان ماء+ فانيليا
اضربيهم في الخلاط ثواني بتصير مثل الكريمه الخفيفه و حطيه في قمع من الورق و زينيه على شكل خطوط مائله على وجه الكيكه البارد لازم عشان ما يذوب السكر من حرارة الكيكه.
بس انا حطيت هرشي ماحطيت سكرمع حليب حبيت اوضح
و بالعافيه عليكم

ماشالله تبارك الله

ماشاء الله تبارك الله

تسلم يدينك