السلام عليكم ورحمه الله وبركاته
مساءكم الله بالخير والرضاء والعافيه
اليوم طبقت برياني الاخت دوحه في منتدى اخر الله يجزاها الف خير
يابناااات اتعب واقول لذذذذذذيذ
شوفو الصووووووور
ووووووو
وهذي طريقتها
اول شي قطعي جوانح بصل وكشنيها شوي بالزيت
وضيفي لها ثوم مبشور وزنجبيل مبشور
وبعد ماتذبل الخضار نضيف لها حلقات فلفل بارد
بعد كذا نضيف لها طماطه مطحونه مع ملعقة معجون طماطم
ونخليها تتسبك شوي ونتبلها بالملح والماجي الابيض والبهارات والزنجبيل
والكاري والببريكا والفلفل الاحمر والكزبره المطحونه
والبهارات العدله اللي هي هيل ودارسين وفلفل اسود وورق غار
نخلي البهارات تتسبك شوي مع الطماطم تقريبا عشر دقايق
على نار هاديه بعدين نضيف لها علبة زبادي ونحرك بسرعه لاتتكتل
والافضل نخفقها قبل مانضيفها ماتتكتل ابد ان شاء الله
ونخليها على نار هاديه عشر دقايق
وفي هالوقت نقطع الدجاج وننظفه وننزع الجلد ونذبحه ونقليه بدون تتبيل
نضيف الدجاج المقلي على التسبيكه ونخليها على نار هاديه ربع ساعه
وبعد عشر دقايق نرش على الدجاج شوي بقدونس وكزبره للنكهه
طبعا نكون سالقين الرز ثلاث ارباع سلق ومتبل بالملح والبهارات العدله
هيل ودارسين وفلفل اسود وورق غار وشوي زيت
نجيب قدر ونغرف فيه نص الرز وفوقه تسبيكة الدجاج
بعد كذا نضيف النص الباقي من الرز ونرش عليه زعفران منقع
في ملعقة موية ورد او كادي بس الورد افضل
ونضيف قطع صغيره زبده وفلفل طازج
ونخليه على نار هاديه من عشر دقايق الى ربع ساعه
وعند التقديم نحاول نحرك شوي عشان تختلط الالوان ونقدمه
اتمنى يعجبكم تطبيقي
صرـآحه طبخ لايعلى عليه ,
يعطيك العـآفيه = )