السلام عليكم ورحمة الله وبركاته
أنا طبقت الوردة اللي طلبتها الأخت رانيا ... فحبيت شارك الكل فيها بتمنى تكون طريقتي صح والكل يستفيد
هي صورة الوردة
وهي صورة تطبيقي
السطر الأول : نبدأ 6 سلسلة ونغلقهم بمنزلقة ... بنطلع 3 سلسلة وبنشتغل 16 عمود بلفة وبنغلقهم بمنزلقة
السطر التاني : بنطلع 5 سلسلة وبنشتغل عمود بدون مانترك فراغ ... يعني كل عامود من السطر الاول رح نشتغل عليه عمود بالسطر التاني بس رح يكون بيناتهم 2 سلسلة ... يعني بنعمل 2 سلسلة بعدها عامود وبنكرر لحتى يخلص الدور ... بنهاية الدور بنوصل لل 5 سلسلة اللي عملناهم باول الدور .. رح نختم على السلسلة التالتة بمنزلقة
السطر التالت : بنطلع 3 سلسلة وبنشتغل 2 عامود بلفة على السلسلتين وعامود فوق العامود .... وبنكرر 2 عامود على السلسلتين وعمود فوق العمود لحتى يخلص الدور ونختم بمنزلقة وبيصير هيك الشكل عنا
السطر الرابع : بنطلع 5 سلسلة بنترك عمودين على السطر التالت وبنثبت على العامود التالت بغرزة حشو .... وبنكرر 5 سلسلة بنترك عامودين على السطر التالت وبنثبت على العامود التالت بغرزة حشو وهيك ليخلص الدور وبيكون صار معنا 16 وحدة
السطر الخامس : بنطلع ب 20 سلسلة بنترك وحدة من السلاسل الخمسة على الدور الرابع .... وبثبنت باللي بعدها ...وبنرجع بنكرر 20 سلسلة بنترك وحدة وبثبت باللي بعدها بغرزة حشو ليخلص الدور وبيهك بيصير معنا 8
السطر الاخير : بنشتغل فوراً على 20 سلسلة ... 30 عامود بلفة وبنثبت بغرزة حشو على غرزة الحشو اللي على الدور الخامس .... وبنكرر لحتى يصير معنا الشكل بالنهاية هيك
تحياتي للجميع