السلام عليكم ورحمة الله وبركاته
كيفكم أن شاء الله بخير وعافيه
اليوم أولادي أشتهوا سندوتشات ماك اريبيا وقبل فتره شفت وحده من البنات مسويه الطريقه بس والله ماني فاكره مين
المهم الله يجزاها خير أنا سويت نفس طريقة السندوتشات وطلعت رووووووووووووعه وأولادي حبوها كتير
مقادير العجينه
انا سويت كميه قليله للتجربه اللي حابه تضاعف المقادير
2كوب دقيق أبيض
م ص ملح
م ص خميره فوريه
م ك سكر
م ص حبه سمرا
بيضه
حوالي كوب ماء
الطريقه
تعجني كل المقادير مع بعض حتى تتكون عجينه لينه متماسكه واتركيها تخمر لمدة عشرين دقيقه فقط
وبعدين كوري العجين كور متوسطه
خدي كل كره وأفرديها بسمك واحد سم
حضري الصاج اللي راح تسوي عليه أو طاوه تيفال ومسحيه بمنديل فيه زيت وحطي عليه الخبز
وقلبيه على الجنبين حتى تحمر
بالله محد يرد
نحضر البرجر اللي راح تحشي فيه الخبز أنا شويته على الشوايه
مسحت الشوايه بمنديل فيه زيت وحطيت البرجر وقلبته على الجنبين ليتحمر
سمحوني يادوب لحقت أصور الحبتين دول أولادي ماخلوني كل ما أخلص شويه أحشيهم في الخبز ويخدوه وهو حار
حشتهم مايونيز بالثوم وخس وشرائح الجبنه
طبعا مامداني أزين الطبق ولا شي حصل هجوم على الماك أريبيا
أن شاء الله يعجبكم
لا تنسوني بدعاء حلو مثلكم