شحالكن؟ ربكن الا بخير..
انا اليوم الله يسلمكم قلت خاطري اطبق شي لكريكره.. سبحان الله كل وصفاتها تدش خاطري و ما يكون عندي صبر انفذها.. وانا جربت من قبل كب كيك الجزر وطلع رهييييييييب.. يعني صج شي ما يتفوت.. فقلت اليوم خلني اجرب شي ثاني.. فجربت مافن الفستق والشوكولاته البيضا.. بعدني ما ذقته لاني صايمه بس شكله يقول انه روووعه من غير ما اذوقه..
تسلم يمناج ملاااااين يا كريكره على الوصفه الروعه و اسمحيلي ادري تطبيقي ما يوصل لمستوى طبخج الرائع بس احنا كلنا نتعلم منج..
ملاحظه يا بنات انا سويت اضافه بسيطه على الوصفه اني اضفت نصف كوب جوز هند مبشور لاني احب طعم جوز الهند في الكب كيك ..
باسم الله نبدا..
المقادير
2 كوب طحين بخميره
2/3 كوب سكر الكستر او سكر عادي
3/4 كوب شوكولاته بيضاء مقطعه قطع صغيره
1/2 كوب فستق مقشر ومقطع شرايح
60 جرام زبده مذابه ،حوالي 3/4 اصبع زبده
3/4 كوب حليب
1 بيضه مخفوقه قليلا
الطريقه
اولا اشعلى الفرن على درجه 200 سيليزيه واتركيه يسخن
اخلطي الطحين والسكر معا في وعاء عميق
اضيفي المقادير الباقيه كلها
اخلطيهم جيدا بملعقه خشب
بعدان يتجانس الخليط نوعا ما
اسكبيه في صينيه المفن بعد دهنها واخبزيها في الفرن لمده 20 دقيقه تقريبا
الى ان تصير ذهبيه اللون وطلعيها وتمتعو بالطعم اللذيذ
والحين الصور الجميله :hahaha:
انا ما كان عندي شوكولاته بيضا فاستخدمت شوكلت شبس هذا
هذا هو الخليط بعد مزج كل المكونات
هني صبيت الخليط في صينيه المفن
وهذه صورتهم بعد ان اخرجتهم من الفرن وزينتهم بشوكولاته هيرشي يمييييييييي
انصحكم تجربونه يا بنات لانه صج بسيط وشكله حلو وظريف..
والسموحه..
درب الوله