السلام عليكم ورحمة الله وبركاته
كيف حالكم حواءات ؟؟
سويت طريقتها مرره رووعه ماشاء الله الله يعطيها العافيه على الفكره الخنفشاريه
بس من العجز اللي فيني انا وش سويت عشان اخلص بسرعه حطيتها في قدر الضغط واقل من ثلث ساعه وانا مخلصه
بس نصيحه اللي تبي تسوي مثلي وتحطها في قدر الضغط لا تكثر مويه تقريبا كاس او اقل من الكاس لانه راح يطبخ على البخار بالاضافه لليمون والزيت اللي راح تضيفيه والاخت جيجي ماقصرت بطريقتها الرز يصير طري فما يحتاج مويه كثير
وهذا رابط موضوعها
http://forum.hawaaworld.com/showthread.php?t=2063529
وهذا تطبيقي بالصور
جهزت ورق العنب
ونقعت الرز المصري
وجهزت المقادير
ملح - زيت زيتون - عصير ليمون
* طماطم - بصل - فلفل رومي - بقدونس - نعناع - ماجي
* ( في الخلاط )
هذي بعد ماخلطتها
في المقلاة حطيت الزيت زيتون واليمون واللي في الخلاط
هنا بعد ما بدأت تطبخ واضفت الملح
أضفت الكمون بدل البهارات
اضفت الرز
وهنا بعد ماتشرب الرز السوائل
يتبـــــــــــــع
وبعد ماتلفي ورق العنب وتخلصين صبي عليها الزيت واليمون الباقي ومويه حاره ومكعب ماجي ( ماصورت هذي الخطوه ) إذا بتسويها في قدر الضغط قللي المويه وانا استغنيت عن مكعب الماجي لاني ملحته زين....
وهنا بعد ما خلصت وضغطتها
وهذا صحن كل وحده تدخل تاخذ لها واحد منه وإذا خلص ترجع تاخذ من القدر هههههههه
ترى اول مره الف ورق عنب لايهمكم الشكل اهم شيء الاخلاق..
ولاتفتحون القدر وهو حار عشان مايسود على قولت جيجي بس انا مافيني صبر فتحته عشان كذا بدى يصير لونه غامق
وبالهناء والعافيه