تطبيق عجينه 10 دقايق باشكال(بيتزا-ورد-كرواسان_مراوح-قوارب وتمساح صغنن وكمان حلو)
السلام عليكم ورحمه الله وبركاته
اخيراااااااااااااااااااااااا بعد طول عناااااااء لقيت العجينه اللى حققت لى احلامى
زهقت من الاكل والطبيخ كل يوم ورغم ان فرنى معقدنى تحميره مش متساوى
قلت اما اجرب العجائن المره دى
اول مره وطبقت عجينه ال10 دقايق من موضوع الغاليه كريكره
واللله يا جماعه كل الللى داقها انهبل عليها العجينه هشه جدا ماشاء الله
جوزى واخوه واصحابه افتكروها جاهزة وشرفت جوزى قدامهم (اهم حاجة رضاه طبعا هههههههه)
انا طولت اوى
بصوا بقى
هنقول
(ماشاء الله لا قوة الا بالله )
اولا عملت بيتزا بصوا ده شكلها
وزبنتها بورده جورى فى النص طلع شكلها جميل اوى
وعملت قوارب باللحمه المفرومه وعلى الوش جبنه شيدر وموزاريلا
وعملت مراوح
وعملت كرواسان حشوه جبنه بيضا وبقدونس
وعملت هههههههههه تمساح صغنون من اللى فضل مالعجينه
لا تردوا لسه فى باقى
وقفنا فين عند التمساح
ادى صورة فى الضلمه عشان تخافوا
واخيرا عملت فطيره حلوة
فطيره لبنه وعسل وعلى الوش حطيت فصدق مجروش
العجينه بجد جميله جدا ما فضلش منها اى فتفوته صغنونه ومن النهارده هاعتمدها عندى
واستنونى فى اشكال جديده لانى اتشجعت بعد المره دى وادعولى اغير البوتجاز كله عشان يساعدنى اكتر
يلا فى رعايه الله
ومستنيه ردود قمرات منتداى الغالى