انا كنت منزله موضوع عن فكرة غريبه تصلح لبطاقة اعراس في ها المنتدى ومنتدى ثانى ولقيت اخت عامله نفس الفكرة
فحبيت تستفيدون منها
\
للا مانه منقووووووووووووووووووووووووووول لصاحبته Oriana
هذا الموضوع نشرته سابقاً في منتدى آخر.. واليوم حبيت أنشره هني لأن لفت انتباهي موضوع إلى احدى الأخوات يحمل نفس الفكرة.. فحبيت الكل يستفيد
------------
كل اللي هني عرفوا أني ما قدرت أطلع طلعة الملتقى بسبب حفلة خطوبة صديقتي أول عضوة من شلة 2.2
فرحتنا كانت ما توصف.. وحماسنا كبير في التجهيز
المدة طالت وأني اتكلم عن هالتجهيز.. أكثر من شهر ونص وأحنا نشتغل على هالتوزيعات اللي كسرت ظهرنا هي وية الستاند .. لكن كان في تعاون كبير بينا إحنا البنات الأربع
هالتوزيعات صح كانت حق حفلة العروس ( صديقتنا ) لكن كانت بإسمنا كلنا.. وكلنا اشتركنا في دفع الفلوس.. وكلفنا كامل حوالي 160 دينار.. رغم أن معظم الشغل شغلنا وتعبنا.
نجي لاختيار الفكرة..
طبعاً.. لما عرفنا أن صديقتنا بتنخطب.. قررنا نساعدها في التجهيز.. وفكرنا في توزيعات بشكل مميز.. واقترحت عليهم أني فكرة الأخت المبدعة ميثاق.. التوزيعات اللي سوتهم في حفلة زواجها.. عبارة عن فساتين صغيرة.. وهذا رابط الموضوع مال الأخت ميثاق
والحمد لله.. الله وفقنا واشتغلنا على الموضوع
من شراء لقماش المناسب
والشرائط
وبيض الحمام
وعمل البطاقات
وعمل العلاليق
طبعاً دخنا دوخة يالله حصلنا أحد يخيط لنا الفساتين وهم عبارة عن 200 قطعة .. يعني 200 فستان
الخياييط درنا عليهم معظمهم محد راضي يخيطهم والسبب الحجم
وبعدين حصلنا وحدة تخيط في البيت مفارش أطفال وأطقم أطفال.. وخليناها تسويهم لنا بمساعدة خالتها لأن خالتها بعد تخيط.. وسووهم لنا بالوقعة والطحنة لأن واجد طولوا عندها وكل شوي يقصر الخلق وأضطر أروح اشتري بالخمسة والستة متر.. تقريباً أكثر من 12 متر خلق من النوعين كلفني ( الستن والتور ) وحوالي 5 قبات شرايط عشان حمالات الفستان.
بعد ما جبناهم من الخياطة.. كان لازم نتجمع ونسوي أكياس من شرايط عريضة ونحط فيهم حبة من بيض الحمام ووردة ونلصقهم في وسط الفستان.. هذي صورة أول دفعة كملناها عبارة عن 84 فستان تقريباً
نجي إلى العلاليق اللي شغلهم كان شغل
حاولت أن اسوي شكل العلاق.. كنت اسويه بس ما كان مضبوط وما يعجبني.. وأبويي ما شاء الله عليه و الله يعطيه الصحة والعافية وطولة العمر.. ساعدنا واجد في هالعمل.. وله جزيل الشكر والامتنان
سوى إلينا باترون من ألمنيوم بنفسه شكله ولحمه على شكل علاقة.. كل اللي علينا أن نلف السيم عليه ونشكل العلاقة
وهذا هو الباترون
وهذي صورة للأسيام اللي سوينا منهم العلاليق
الموضوع جدا كبير بس انا قلت لكم بعض الاشياء
صاحبه الموضوع Oriana في منتدي ثانى
انا كاتبه نفس الموضوع