حبيباتي بنات حواء..
اليوم هديتي لكن تطبيق رائع من دهانات (JOTUN) المعروفة..
كثيراً ما تعجبنا ألوان بعض الجدران في الصور اللي نجدها في النت، و نتمنى لو نعرف اسم اللون في الدهانات المشهورة، أو نودإضافة ألوان على بجانب الألوان اللي عندنا أو حتى اختيار لون الأثاث المناسب، لكن ما عندنا خلفية بعجلة الألوان اللي يستخدمها المصممين..
تطبيق (colourMatch) يكفيك المؤونة، حيث بإمكانك أخذ عينة من ألوان الصورة و استخراج نفس الدرجة من دهانات jotun ، كما يمكنك تنسيق أكثر من لون وفق عجلة الألوان، و الاستفادة من الألوان في تصميم لون الأثاث المناسب للدهانات.
هذي صورة التطبيق
و طريقة استخدامه سهلة جدا، راح يصادفك فديو يشرح لك طريقة الأستخدام عند فتح التطبيق لأول مرة..
طبعاً بداية يطلب منك اختيار نوع الصورة: ملتقطة أو من مكتبة الصور في الجهاز
أنا هنا اخترت من المكتبة راح ينتقل لمكتبة الصور
اختاري الصورة اللي تودين معرفة اسم دهاناتها و اضغطي تشوز
بعدها تفتح الصورة في البرنامج اضغطي على اي منطقة في جدران الصورة و راح تلاحظين أن اللون اتنسخ أسفل
اضغطي على السهم بجوار اللون الظاهر أسفل الصورة راح تنتقلين لاسم اللون و الدرجات المقاربة له
الآن اضغطي على اللون و هنا اسمه في دهانات جوتن
تلاحظين أسفل الصورة خيارين، الأول تصميم تختاريه أنتِ و اثاني تصاميم ألوان جاهزة وفق عجلة الألوان اللي راح تشوفيها في الصورة التالية
الخيارت اللي حول الصورة حسب ذوقك اذا تريدين ألوان متماثلة أو مختلفة طبعاً ما يحتاج يكون عندك خلفية عن كيفية ايتخدام عجلة الألوان، لأن التطبيق راح يرشح لك الالوان المناسبة.
شوفوا هذي أحد الالوان المرشحة
في حال عجبتك أحد الخيارات الأربع اضغطي Don و راح تنتقلين لصفحة الالوان اللي هو رشحها لك
اختاري الالوان اللي تروق لك في توليفها، و من ثم تقدرين تحفظين التصميم باسم (غرفة النوم مثلاً)
راح ينحفظ التصميم في saved schemes اللي في واجهة البرنامج أسفل.
طبعاً تقدرين تحتفظي بأكثر من تصميم و بأكثر من مسمى.
أدري .. الكل الآن يقول: وين روابط التحمييييل؟ :35:
أبشروووووا ...
للآيفون
ويجي على الآيباد، أنا نقلته لكم من الأيباد.
للأندرويد
ملاحظة هامة: عامل الإضاء في الصورة يؤثر على صحة النتائج، لذا حاولي تختاري أنسب نقطة من الصورة بحيث لا تكون في إضاءة سديدة أو ظلال معتمة. و طبعاً جودة التصوير تلعب دور مهم في ظهور نتائج أقرب للواقع، لذا غالباً تصوير كاميرا الجوال و أضواء السبوت لايت تعطي نتائج غير دقيقة.
الموضوع غير منقول وجهدي الشخصي...
دعواتكم ربي ييسر أمري و يشرح صدري..
برناااامج بطل اتعب وانا اقول رااااااااائع
مشكوره على الشررح الواافي والمجهووود المميز