تطلع عيوبي

عندي قريبه بنفس عمري درسنا وتخرجنا
وكل شي مع بعض والله ثم والله اني اعتبرها اختي
مو قريبتي كل شي اشتري لها معي وبالسفر
مانساه لكن قلبها ابد مو صافي اتجاهي
من يوم كنت بزر تدور عيوبي خاصه بشكلي
انا ادري اني موب حلوه لكن تغار لما تشوف احد يمدحني
يعني مره كانت عازمه صديقتها معنا
بالكوفي جت صديقة قريبتي مدحت جسمي
جت انهبلت قالت ترا فلانه كانت سمينه مره
قبل كم سنه ونحفت اكيد جسمك مو مشدود تقصدني!!
وقبل وحده مدحت شعري قدامها
قالت ترا فلانه شعرها خشن لكن تهتم
يعني ماتطلع بدون استشوار وبروتين !!
ودايم كذا
تحاول تطلع عيوبي باي شي
لما كنت صغيره كنت سمراء مره
وكبرت ومن الله تفتحت دايم قدام الناس
تحطني ضرب مثل
لما تشوف احد اسمر صغير تقول بكرا يكبر ويتفتح
مثل فلانه
وحتى الشعر لما تشوف بزر شعره كشه
تجلس هي وامها يقولو زي فلانه كان شعرها خشن
والحين صار حلو لان تهتم !!
ليش الناس مريضين كذا المشكله اني مسالمه معها
ولا احب أعيب على خلقه احد لكن هي شاغله بالها انا