تطلقتت والسبب اتفهه مما تتوقعن !!

السلام عليكم
اللهم صل علئ محمد
كلكن تعرفن اخر مشكله مع زوجي وارجع اذكركن فيها
الي هي ام عيالوه تخانقت معاه وزعلت شهر ونص المهم بهالفتره كان يعاملني اسوء معامله انا وعيالي كان يدعي علينا ويهاوش واحيان يضربني ﻷنه متوتر بيشوف عيالوه وهي حارمتهم منه
المهم رجعت له بآخر الرمضان قلت الحمدلله بتنحل عقدته طلع اسوء من قبل اول ليله جت فيها وهو مايشوفني شئ ومايعتبرني شئ
وطلبت مصروف العيد لي ولولدي ورفض قال لاتحلمين ولا بريال
سكتت كم يوم قلت عل وعسئ يتراجع ومافي امل علمت اهلي قالوا اصبري ومو لازم ثوب عيد ومن هالحكي مع ان اهلي عندهم مناسبه كبيره ولازم احضر
سكتت كم يوم وقعد عندهم يوم وليله ولما جت ليلتي ماجاء قعد عندهم ومرني وانا اسوي السحور قال انا ماابي اتسحر وراح لهم تسحر عندهم وهو المفروض عندي
قلت وين الليله ليلتي قال تبين شئ وهو يروح يعني يقول لي مايخصك
فرح فيهم انهم رجعوا له بعد زعل اكثر من شهر هي وعياله وماصدق يرجعون له
المهم لما جاءني بعد صلاه الفجر وانسدح علئ السرير وانا كنت انوم ولدي قلت ماشاء الله يعرفون يسوون سحور وهو يرفسني برجله بظهري وانا اقوم وانا اخذ ولدي وحنا نروح لغرفه عيالي وانا اسكر الباب وهو يفتخ الباب قال انتي طااااااااالق !!!!!!!!!!!!!!
اخذت عيالي ورحت ﻷهلي
وقبل العيد بليله جاب ملابسي وملابس عيالي بأكياس زباااااااااله تخيلوووووا لو أني عدوتوه ماسوا لي كذا ودق علئ اخوي قال هي معاه صرافته وهي اغنئ مني يعني قصده مو لازم اعطيه يابنات حتئ الموظفه تعطئ نفقه العيد وانا لاموظفه ولا شئ قال ملابسها جبناه واغراضه الباقيه بعد العيد
المهم وقعدت للحين لاجاب باقي اغراضي
ولا ورقه الطلاق
وش ذنبي اتطلق ؟بس ﻷجل مصروف العيد
قسم هو دايم يمدحني ويثني علي يقول لو اني متزوجك قبل مااتزوج احد غيرك
ﻷنك نظيفه بالبيت وبنفسك وبالفراش وبعيالك
انا اقول لكن مهو بنيه المدح بس بشوف وين الخلل ؟؟