حبيبتي الله يعوضني ويعوضك خير،لا تسكري على مفسك باب مفتوح الحياة قدامج خصوصا اذا مافي بينكم عيال،انا مثلك تطلقت ظلم،ما تصدقين لو اقولك اني عيّشته ملك،اهتميت فيه داريته بعيوني وبروحي،عنده اهله بدال الخدامه ثلاث عمري ما سمحت لأحد فيهن تغسل له ثوب او تطبخ او حتى تعطيه كوب ماي،ان دخل ابتسمت في ويهه وهو قبل لا يطلع يغثني ويقهرني ويكلم مرته قدامي يغازلها،ما بتصدقين لو اقولج انه لا طلع بيته انا البسه النعال وانتي بكرامة،وان رجع انا اشيله منه،ثوبه انا البسه مثل الياهل وانا اشيله،غير حاظر وسم ما قلت،ادور راحته باي شي شغلات امهاتنا الاول تاخذ طشت ماي وملح وعليه ورد اسويله،غسول ايديه انا اقربه لين ايديه لاخلص اكله،حتى لو سافر وارتب هدومه واغراضه والله انا فالبلاد وهو فالغربه يسألني وين اغراضه واقوله بالضبط وينهم!! إللي يضحك ويبكّي اني بعد كلللل هذا تطلقت غدر!اقولهالحمدلله على السلامه يرد انتي طالق!!!اوسخ من كذا مستحيل تشوفين،ومع كذا بقولها لج من قلبببيييي:"تزوّجي إذا لقيتي الي يسوى طوايفه،عيشي حياتج والبسي وتحنّي وعيّدي،لان فراقه عيييد

بنات مو عارفه للتحديث الجديد كيف اسوي اقتباس ؟؟

لا حول ولاقوة إلا بالله،والله خنقتني العبرة وانا اقرأ كيف تطلقتن،وانا مش احسن منكن تطلقت ظلم بدون سبب ولا مقدمات،بس يبي يكسر خشم الاولى فيني وعلى حساب حياتي،لليوم اذكر سألته :لو صارت زوجتك الاولى مثل ماتحب ،بتطلقني أنا؟؟ قال لا كل شي في طريقه..
الحقير بعد ما استأمنته على نفسي وحياتي،بعد ما صبرت عليه وعلى ضلمه لي،لا مصروف لا عشره لا كلمة طيبه وانا اسكت اسكت..آخرتها حطني لأهلي وسافر وبعدها بفترة قام يفتح سيرة الطلاق،حتى طريقته فالطلاق منتهى النذاله..
خلنها على الله عيشن حياتكن لنفسكن لأمكن لأبوكن والله محد مستاهل نقهر انفسنا ونبكي عشانه..انا فاقدة الامان من قبل لا اعرفه وبطلاقه زادني ضياع وشماته حسبي الله ونعم الوكيل

ياقلبي انتم اسأل الله لي ولكم العوض الصالح القربب ❤️

*القريب