كل عام وانتم بخير

وانتي بخير

اولا كل عام وأنتم بخير والشهر مبارك على الجميع
حبيبتي الأميرة كثير عانوا مرارة الطلاق وكرهوا الرجال من شي شافوه اقرب شي انا تزوجت صغيره عمري 18 ولا طولت معه وطلبت الخلع من شي شفته انخطبت مره ثانية وتم كل شي وسبحان الله ما صار نصيب بينا وتطلقت مره ثانية وعمري 19 كرهت الرجال كلهم احس انهم مخادعين فيه شي ودي تجمعهم وآذانهم
غير المجتمع الي تعيشين فيه وكيف يشوفون المطلقه كل شي محرم عليها وقف معي وقتها أبوي وامي وأخواني وجلست 10 سنوات وانا أرد وسبحان الله لما جاء النصيب تزوجت وعمري 28 والحمدلله عِوَض ربي خير
الأيام الجاية أفضل وأجمل مالك الا الدعاء ثم الدعاء ثم الدعاء وربي ما يخلي عبد في كربه ما بعد الضيق الا الفرج وما بعد الظلام الا النور وما بعد الليل الا النهار وما بعد العسر الا اليسر بس قوي علاقتك بالله وأمواج يخيب رجام وثقب ان الله أراد الخير لنا في كل الأحوال والله يعوض ايامك الجايه بالخير يا رب

انا توني من كم يوم تطلقت طلقني طلقة وحدة والله العظيم مافيه شي مستاهل كل بيت مايخلو من المشاكل واختلاف وجهات النظر والسلبيات والاخطاء عمر المشاكل حلها بالطلاق اخطيت واعتذرت واستسمحت هو طيييب بس اذا زعل مايعرف امه من ابوه ورد لي الصاع صاعين وظلمني ىاتهمني بشي كبييير والله ماصار ولاعمره بيصير والان الله يعلم بحالي وحاله اهلي يقولون ماترجعين وانا مدري وش مصيري اصلا ولا وش وضعي انا عروس ماكملت سنة ادعوا لي بالفرج يابنات وان الله ياخذ لي بحقي لانه ظلمني وفوقها تخلا عني وطلقني تحملت امور كثيرة خطا بحقي عشانه وعشان خاطره وهو باول غلطة مني !! 😞

ردة فعلك طبيعيه بس عطي نفسك وقت لحد ماتنسين شوي ،، وبدال ماتدعين عليه ادعي لنفسك ان ربي يعوضك بالعوض الخير الصالح ،، وصراحه ما الومك ابدا اصلا زين ان ماجاء منك الا ذا