للاسف انا تطلقت مرتين .. الاولى جلست في بيتي وحاولت احل مشاكلي بنفسي لكن للاسف زوجي تساهل الموضوع وطلق ثانيه وساعتها رحت لاهلي وعندي ولد وجلست 3 شهور ماحد يدري عن الثاني مجرد يمر ياخذ الولد كل اسبوعين يشوفه ساعه ويرجعه ولا احد ناقشه بالموضوع ليش وماليش ..مع انه في كل الطلاقين هو السبب ومتهور وعصبي وعلى انفه الامور صار الطلاق كرهته وصرت ادعي عليه وبعد مرور 3 شهور وقبل تنتهي العده بكم يوم دق علي يعتذر وانه نادم ومايقدر يستغني وعاش في عذاب محروم عن ابنه وانه اهله زعلو عليه وماحد وقف معه وعرف ساعتها انه غلطان ترددت كثير في الرجوع وامي قالت فكري زين انتي غاليه علينا ونبي لك السعاده ولدك ويجي يوم يعيش مع ابوه وانتي لسا صغيره يحق لك تتزوجين بصراحه ساعتها ضاقت فيني الدنيا اكثر ماقدر افارق ولدي ولا لي خلق على زوج ثاني
قلت ارجع لعل وعسى تنصلح احوالي
وفعلا وفى بوعده لاكن للاسف عجزت انسى وعجزت احبه مثل اول .. عمر الكسر مايتصلح فيه ناس تنسى لكن انا صار لي 4 سنوات من رجعنا مو قادره انسى ويمكن هذا سبب تعاستي احس ادور الزله عليه رغم انه صار احسن من اول لكن ما اقول الا هذاي حياتي لازم اصبر عليها .. :(

الله ييسر امورك ياقلبي

الحمد لله
اعتبري حياتك هذي نقطة بدايه جديده وتصحيح الاخطاء ,, واعتبري الماضي اللي صار درس لكم ولازم مايصير مره ثانيه..
وضروري اذا رجعتي لزوجك تكونين له كأنك عروسه عشان ينسى الطلاق والمشاكل اللي قبل..
والحمد لله دائما فكري اكيد خيره طلاقكم ورجوعكم لانه رب ضارة نافعه

ياقلبي من تجربه اذ موزين طبعه بتتعبين انا رجعت لطليقي بس مادري عن ولاتغير وهذهو انوع الاهمال والتطنيش وعدم المسئوليه وتطلقت ثانيه بعد فتره وعادي ماهمه وانا طابت نفسي وحقرته الله يعوضني
ويكتب لك الخيره استخيري وبالتوفيق...

الله يهديكم لطاعته ثم لبعظكم