يقول الرسول الكريم
" عجبا لابن أدم أمره كله له خير ان اصابته سراء شكر فكان خيرا له وان اصابته ضراء صبر فكان خيرا له "
زمان يوم كنااا صغيرااات بس مو مره
لاطلبنا شي من اهلنا ... قالووو .. لاتزوجتي
بقص شعري ... لاتزوجتي .
بكحل عيوني .. لاتزوجتي .
ابي البس ذا البس .. لاتزوجتي ..
ابي اسافر .. لاتزوجتي ..
ابي اطلع مع صاحباتي .. لاتزوجتي ..
طيب نجتمع بيت وحده منهم .. لاتزوجتي ..
كل شي لاتزوجتي ..
وبطريقه غير مباشره ربطو اهلنا بمخيلتنا ان السعاده التامه مايحققها الازوجك:
وتكيفنا مع الفكره وحبينهاا .. وخصوصا انا .. << وآآهـ يا انا ..
بنيت لي بااحلامي قصوور ,,
وكل ليله اهدم قصر وابني احلا منه ..صرت في عين الزبوون "على قولت جدتي "
خطابي كثير وافقت على القليل والكثيرر رفضته ..
لحد ماسمعتهم يقولون .. من كثر خطابها بارت ..
:<<طااعوش كلش ولاهالحكي ..كلن تزوج والبزارين تزوجو وانا انتظرر البرنس اللي في الروايت: <يجيب الله مطر يجي خاصه بذالزمن .. ..
وجا انسان اغلب البنات يتمنونه سواااي ... سألو اعنه.. زين ومامثله اثنين ..
تجاهلت المستوى الاجتمااعي ,, واالمستوى التعليمي .. والاقتصاادي .. مدري يمكن نسيتهم او تناسيتهم ..
قلت يصلي .. قالو ابد مايخلي الصلاة يمكن من الحمااس يسبق الاماام .
.:قلت وافقت ..
شفته ومااحبيته ولاعجبني .. قلت يابنت الرجال مخابر مش مناظر << بالطول بالعرض بتعرس تخاف تبور خخ
جاب المهر اللي مايسوى مدته وصرت اقل بنات العايله .. بس قلت مايخالف .. اقلهن مهرا ابركهن << تبي
تعرس الله لايعووق
يابنت الناااس المهر شوي واللي هااذا اوله ينعاف تاااليه ..
قلت خيــــــــــــره . وانا مدري وش اقصد بخيرره بس قلتها وفعلا صارت خيرره ..
زواجي تقليدي 1000000%
ماكنت فرحانه ايام التجهيز ولا يوم الزواج ولا اللي بعده ..<< مدري وش اللي حادني بس ربي كاتب لي ..
تذكرون قصووري هذيك بأول يوم من الزواج انهدن حتى الاساسات تواست بالارض ..
ماااااااااااااااااااااااااااااااااحبيته ,, ماارتحت معه ..
فكررت اتطلق لااااااااااااااااااااااااا وش اتطلق بحاااااااااااااااول حاااااااااااااااااااولت وحااااااااااااااااولت وتنازلت عن
اشياء ماابيها ونفسي اللي كنت مدلعتهاااا جريتها على الشووك كلش ولا اني اتطلق ...
اموت ايه بس اتطلق لا صرت بس اتمنى اموت اذا شفت سياره كبيره قلت يارب انسوي حادث واموووت
صرت انسانه كئيبه وحالتي ميؤس منها وكل ذا وانا اجامله ولا حسسته بشي ويمكن هذي غلطتي وهو
شكله كان مايبي يحس
.مع ان كل من شافني يقولي بالله هذا وجه عرووس جسمي مع الناس ولاعقلي مدري وين. ..
وكل هالمشاعر السيئه بقلبي ماحكيت الا القليل كنت لاقلت لهم قالو طبيعي .. كلنا كنا كذا .. واقول بقلبي ايه هين والله لو كنتم كذا كان اغلبكم بشهار .
تعبت وانهد حيلي وواجهت اهلي وقلت باتطلق ...قالو لي .. .. كيف بتتطلقين من بتااخذين .. شايب ولا متزوج .ولابأحسن الاحوال مطلق ومعه اولاد.
بعدين ليه وش فيه وش عيبه .. مافيه شي بس مارتحت " بيني وبينكم مااحبيت اقول لاهلي الاسباب
اللي خلتني اطلب الطلاق . لاني معزمه على الطلااق وقلت بيروح بحاله وابروح بحاالي وشوله كلن
يدري عنه .. واصريت اني مااقول والكل لامني بس انا مقتنعه ..لاتسألوني ايش ..
قلت ربي مقسم الارزااق حيااتي مع هالادمي ماتنطااااااااق ..قعدت شهر معه ياطوله من شهرر كله اجامل فيه ابي اطلع ببياض وجه مايلقى علي شي .. ورحت لاجئ
سياسي عند اهلي وماطلقني الابعد ستة شهوور ..
هبل فيني لحد ماطلق قاام يكذب علي عند اهلي بأشياء واضحه انه يكذب وقاام يهاايط وانا ساكته
ماكلمته ولارديت عليه لحد ماطيح نفسه من عين اهلي وصارو معي وبالبدايه كانو معه .. " بس اعتبرها نصره من الله "
تصدقوون اخذ جوازي واهلي يقولون له وينه يقول معها .. وانا حاطته بمكان وااضح ببيته وكانت اختي عندي وشايفه مكانه ..
ياابن الناس تقول فلانه << اللي هي انا .. انه بالمكان الفلاني .. يقول ابد معهاا ..<< هذي من
كذباته السخيفه ..
حسبي الله عليه .. والله ياخوفي باكر يسوي له مشكله ولا يفجر لاسمح الله ويحط جووازي واروح بخرايطها
ماتلقوني بسم الله علي الا بالحااير ياسفاابي ماشفت دنيا
والحمد الله اني تطلقت وربي اني مبسوطه اكثر من قبل صدق بالبدايه ماهضمت الموضووع بس ربي سهلها لي ..
صحيح اني ماتميت ال23 سنه بس الجااااي باذن الله احلى ..
مايستفااد من السالفه ..:
خواتي البنوتات اللي ماتزوجو :لاتستعجلون " ادري اللي كاتبه الله بيصير ""
بس اعملوو بالاسباب .!
1
-. ترا الشكل الخاااااااااارجي مهم ..لاتقولين اهم شي الاخلاق .. ايه صح مهمه بس الشكل يوازيها
بالاهميه ..
2-انتبهي لمسألة العمر ..-
3- والمستوى التعليمي .. مهم جدا ..بمعنى انو انتي جامعيه لازم يكون جامعي زيك .
. اعلى من كذا اقل من كذا اهم شي متسااوين ..
4- احرصي كل الحرص على اللي محافظ على صلاته ..
5- اذا تأخر نصيبك لاتزعلين .. تراهاا خيرره ..
خواتي الحلوات المطلقاات " هنيأ لنا بهذا " خخ" فأما زواجا يسر الصديق .. والا طلاقا يغيض العدى "
حبيبتي .
.1- لا يضيق صدرك ..ترا راس ماله رجل |<< تحس انو فيه احد بيهزئها .. والله بعض الرجال ينحط على الجرح يبرا والبعض الله يهديهم ..
2- اعرفي ان ربك يحبك ان شاء الله .. وعطاك فرصه ثاانيه احلى من الاولى .. عشان تفكرين بتمعن وماتستعجلين .. الطلاق ولا العنووسه ..
3-اذا كنتي خاايفه مااراح احد يخطبك .. فاانا اقولك لا والف لا ..
راح يتقدملك بااذن الله الكثير والافضل من قبل وعن تجربه ..
انا يوم اهلي قالو بننشر الخبر انو انا بتتطلق وانا لسى ماتطلقت عشان ان كان احد ناضلني تبرد عينه << كذا اعتقادهم ..
تقدم لي شاب لم يسبق له الزواج خخخخ
4-بالبدايه راح تقابيلين صعوبه في التأقلم مع الوضع بس اذا توكلتي على ربك حق التوكل يهونها ربي عليك وتقولين اشوى اني تطلقت ...
5- الرجل بداله مليوون رجل بس راحة البال ماابدالها راحه ...
6- لاانتي اول وحده تطلقت ولااخرهاا ..
7- عيشي حياتك وانبسطي .. ترا العمر يمضي استغلي كل لحظه ودقيقه بااشياء ترضي ربك وتدخل على نفسك واللي حولك السرور ..
..
بنهايه احب اوجه نصيحه لاخوواني اللي بيتزوجون...
في بداية حيياتكم واذا كنت متقبل زوجتك ...
1- تواضع لها ..
2- اذا كانت احلى منك بكثيررر حسسها انها مقبوله مو عاديه ..
3-احتويهاا ..4- افهمهاا .5-. اصبر عليها .. 6-عودها عليك .. 7-خلك حنون ..8- واهم شي كرريم ..
9- لاتقصر عليها بشي لاماديا ولا معنوياا .. لحد ماتكسب قلبها ..
وبكذا انا اوعدك انك بتعيش حيياة باذن الله سعيده ..
اما نصيحتي للخواتي اللي بيتزووجون ...
مالكن الا الصبر والله بيكون بعونكن خخخ
ولااحد يزعل علي ولااحد ينتقدني << لاوالله
ان عجبكم ردو علي وان ماعجبكم ادعولي ..
" سبحانك اللهم وبحمدك اشهد ان لا الله الا انت استغفرك واتوب اليك "