تطلقت امس والسبب مرض ولدي

السلام عليكم ورحمة الله وبركاته
اخواتي بنات عالم حواء محتاجه منكم نصيحه انا ام لثلاث اولاد وبنت ولدي الصغير مصاب بمرض الله يشفيه وتقريبا التشخيص كان قبل شهر المهم زوجي من يوم عرف تشخيص الدكتور وهو يلومني بانني السبب في مرضه ومازال حتى ليلة البارحه طلعنا نتعشا بالمطعم وقلتلته الولد يحتاج شيخ يقرأ عليه ولازم تلتزم توديه او توديني ويزعل ويهاوش ويرجع يقول انتي سببه المهم وقبل ما انام جاني وانا اقرأ على ولدي وقالي انتي طالق هو شخص ملتزم بالأسم بس لكن مقصر بكثير من الطاعات المهم واذا طلبه احد يقرأ على ولده يروح يستعرض قدام الناس ويسوي فيها شيخ ويقرأ عليهم وولده عندي محتاج قراءة منه او يوديه شيخ يقول هذي مسؤوليتك انتي خليتيه مع الشغاله يوم انه صغير انا موظفه وعيالي فوق بعض كلهم صغار شي طبيعي احتاج الشغالة لكن هو يعايرني بهالشي اللحين وانك تجلسين بالصاله على قهوتك ماابي اشوفك جالسه بالصالة ابيك طول الوقت تشتغلين بالله يابنات مالي حق بالراحه انا اداوم الصبح وارجع اسوي الغدا رافض ان الشغالة تسوي الغداء بعدها انام الى العصر اصلي واسوي قهوتي واجلس عليها المغرب اسوي العشاء وبعدها اي شغلة عندي اسويها بنات هل انا مخطئة بشي هو طلق بمجرد طلبت منه يودي الولد لشيخ مايبي مسؤوليته المهم وبعدها بعشر دقايق رجعني بالله وش رايكم وش اسوي انا احس في قلبي عليه شي كبير ماراح اسامحه وراح اغير معاملته بس ابي نصايحكم وشلون اتصرف كل نصيحه تحسون فيها خير لي اكتبوها انا فكرت اني ماراح اجلس معه وان سفرة القهوة بالغيها وابي اشغل نفسي بشغل البيت لحد الساعه تسع الليل وبنوم عيالي وبنام وبخلي هذا برنامجي وبالطريقة هذي بتصير علاقتي فيه رسميه جدا وحتى النت مايبيني اجلس عليه
مع العلم هو من يوم اخذني وهو يهدد بالطلاق يعني قبل عشر سنين على كل سالفه تافهه تهديد وصراحه انا ماله وطايبه النفس منه بس افكر بالعيال فقط وبيتي من كثر مايهدد بالطلاق ماودي افرش فيه اي حاجه جديدة لأني احس اني مؤقته فيه