تطلقت اه ياربي الله يسامحه / استوفى الردود

السلام عليكم ورحمة الله وبركاته

انا بدخل علي طوول بكلامي انا وحده عمرها 21 تزوجت من زوجي وانا عمري 18 وزوجي عمره الحين 25 كنا مبسوطين متفاهمين نحب ونعشق بعض كانت تصير خلافات بسس كان هو الله يهديه من النوع علي طول يقول لاهلي او اخوانه كنت دايم ازعل كنا مبسوطين انواع الدلع والسفر سنويا اخرته رحت قبل شهرين ونص اوروبا يعني كان يعشقني واعشقه متعلقه فيه كنا لازم الجمعه يطلعني واذا مشاويري مستحيل يخلي اخواني يودوني هو يوديني من كثر ماهو يقول انا مسول عنك كان طيب معي دكتوري وصديقي وحبيبي وكل شي كنت اعتبرخ والله لدرجة كنا بالاستراحة اذا بغي يطلع يجيب غرض يتصل يقول امشي معي لدرجة هذا ان اي مشوار ياخذني اذا كنا عند اهلنا مايخليني مابينا اطفال كان السبب مني وقف معي وساعدني صح كان لازم يخرب علي بالمشاكل وكذا وقت العلاج بسس كان واقف معي كان الله يسامحه يضربني بسس والله كان يعتذر وكانت ايجابياته اكثر من سلبياته كان دين راعي صلاة لايدخن ولا شي يعني رهيب بسس عيبه عصبيته واتاخذ القرارارت السريعه واللعب بالاعصاب وذاك اليوم صار خلاف بسيط ورد بسيط بيني وبين امه وعلي رد عليها هو دخل انا كنت معصبه قالي اسكتي طنشته صح اني غلطانه بسس والله العظيم الكلام الي جاني غصب يخليني ارد ماقدرت امسك اعصابي اول مره يصير خلاف بيني وبين خالتي وهو علي طوول بدا يتهجم علي يبي يضربني لان متعود اذا عصب ضرب وطردني وكل هذا صار لي قدام حريم اخوانه واهله احسس تفشلت والله الخلاف مايسوي كذا يصير لي وحتي هو كان يقول صح امي غلطت المفروض ماتردين قلت صح وانا غلطانه وحقك علي بسس خالتي الله يصلحها ليش كذا تسوي فيني بدون سبب وتخيلي تطور الموضوع لطلاق وتطلقت وخطب وملك وكل شي خلال فترة شهر ونص المشكله صارت الاربعا الاربعا الي بعده خطب وطلق يعني قمة القهر والله وطلب مني اعتذر من امه رفضت بالبدايه واليوم الثاني رضيت وقلت ابشر قال بس اسمعي اذا امي رضت ممكن ارجعك وممكن لا وعلي حسب اختباراتي وعلي حسب مزاجي ارجعك ودخلت اخوانه وطلبوا منه مايطلق وصار يقول انا كارهها لاتحاولون ترجعونه لي والمشكله ثاني يوم من المشكله قلت بعتذر قالت خالتي ام زوجي لاتجي ولا اشوفها انا انصدمت وحاول فيه عيالها رفضت وقالت اذا بترجع لها ارجع بسس لاتدخل علي زوجتك اه بسسس حاولت مافي فايدة ثالث يوم من المشكله بدا زوجي يصرح ان يبي يطلق وتفاهم ابوي مع اخوي علي العفش والذهب لان في اغراض لي خاصه بالبيت اه عاد انا ماكنت مصدقه ان بيطلق وفعلا طلق وخطب بعد اسبوع من المشكله بعد الطلاق بيومين اكاشفت اني حامل بعد 3 سنوات طلعت حامل الحمدلله كلمته بشرته صار يدعي علي وعلي الي بطني وصارت مشاكل وحاولوا اخوانه وافق وكلمتني قالي شروطه واخطاي وقلت له ابشر وثاني يوم اتصل قال لاخلاص مابيك وراح ثبت الطلاق بالمحكمه وماقال اني حامل للشيخ يقول لان ماني مصدقك ووصار بعد الطلاق تواصل معه طلب مني اروح لامه قلت انا كنت بجيكم انتم الي رفضتوا انت وامك قال لا الي بيعتذر مايستاذن قلت بسس اخوانك بعد قالوا ماله داعي جيتك لان امي مررره بتطردك اذا شافتك اخوانك موقفين معي قال اجل خلي اخواني ينفعونك قلت انا الحين تطلقت والعالم تحسب الطلاق انك كارهني مو بسبب امك قال عاد هذا همك الناس وصار يومين يكلمني وحسسني بيرجع لي بعدين قال لا خلاص مابيك ولا ابغي اشوفك بعدين طلب اكلم امه وكلمتها ورفضت وهددت قالت لو اعرف ان يكلمك ياويلله مني ورحت ارسلت له انا اعتذرت لخالتي لان كان يقول اذا اعتذرت ماراح اتخلي عنك وتخيلوا رد علي الله يستر عليك انا انقهرررت مررره