تطلقت بسبب السناب شات

الحمد لله على كل حال بيتي اتخرب بسبب هالبرنامج
اخته الله يسامحها تمشي و تصور في طليقي(زوجي سابقا) و تكتب عبارات غزل و شعر فيه تنزلها بالسناب و سنابها طبعا كله بنات من صحباتها و بنات عمها و بنات خالها
ما يمر يوم الا و هي مصورته و منزلة فيه مجلد غزل
طبعا انا طنشت و صبرت و اكلتها بنفسي و قلت الا ما يجيها يوم و تطفش و تبطل تنزل صوره
لين جا يوم و يوصلني خبر انه وحده من الي ضايفتهم اخته شافت طليقي و عجبها لدرجة تقدم لها شخص و رفضته و قالت لا انا ابغى فلان (الي هو طليقي)
طبعا انحرق قلبي و كلمت اخته و قلت لها بكل ادب لا عاد تنزلي صور لزوجي سنابك كله بنات و انا ما اتحمل انهم يتفرجوا على زوجي و اذا مرةمصرة ارسليها له عالخاص قالت لي ما لك صلاح و انا حرة و هذا اخوية قبل ما يكون زوجك
كلمت امها يا عمة الموضوع كذا و كذا و كلمي بنتك قالت اخاف اكلمها تزعل !!
في الاخير كلمت زوجي قلت له يا فلان بالله كلم اختك ما عاد تنزل صورك و انا زوجتك اغار عليك و سنابها كله بنات ما له معنى تصور و تتغزل فيك قدامهم تحبك الله يديم المحبة و الاخوة بينكم بس محبتكم خلوها بينكم ما له داعي تنشرها للناس
زعل و قال اش قصدك شايفةاختي صايعة و لا قليلة ادب تصورني للبنات انتي مريضة و انت مو متربية دام هذي نظرتك لاختي و مين تكوني عشان تعلمينا الصح و الخطأ إحنا نعرف الاصول من قبل لا نعرفك و نعرف اهلك و مسكني مع يدي بيضربني قلت له الي يمد يده على حرمة ماهو رجال
قال انا ماني رجال انت طاااااالق و طلع من البيت
ما كلمت احد من اهلي ابوية توه متوفي الله يرحمه و امي مريضة ما تتحمل و كل شوية تطيح و تتنوم بالمستشفى ما عندي الا اخو واحد ساكن بعيد عنا
دقيت على امه قالت لا تخربي بيتك و اذا جا اعتذري منه و حبي راسه و اعتبري انه ما صار شي
حسبي الله و كفى
و الله محررروق قلبي يا بنات و مالي احد اشكي له همي بعد الله غيركم
قولولي كيف اتصرف و ايش اسوي :(
الكلام ذا صار امس بالليل و من وقتها لحد الان ما رجع البيت