تطلقت بعيد الفطر و انضربت بعيد الاضحى

السلام عليكم،

مادري شلون ابدأ مشكلتي غير ان زوجي تغير علي من يوم ما جاب بنته البيت عندي كأن في احد يحرضه علي و يتهمني اني اسىء معاملتها مع اني ما عمري قلتلها شي بس حسبي الله و نعم الوكيل على امها اللى دزتها لي علشان تخرب بيتي.
مثل ما شفتوا العنوان طلقني العيد اللي طاف لاني اعترضت على انه يتركني في غرفتي و ينام مع بنته بالغرفه الثانيه و طول اليوم قاعد معاها بالغرفه ما يقعد معاي في الصاله، المهم صارت خناقه و وصلها للطلاق، و لما اهله اعرفوا خانقوه على اللي سواه و ردني و خلا بنته تنام بالغرفه مع عيالي.
بس ما خلى اسلوبه اللى يحسسني انه شاك فيني اني اعامل بنته غلط مع اني ما ضريتها بشي بالعكس كنت اشتري لها الملابس و اللعب و الحلويات مثلها مثل عيالي، لكن البنت مدزوزه من امها و تزن على راسه.
و لما انصحه بشي بخصوص البنيه يعتبرني اني اكرهها و ظالمتها.
و قلت له ان بنتك ما تلبس شي من اللى جبته لها ، حتى تخيلوا طفله اجيب لها الحلويات تاخذها مني و لما تقوم من مكانها الاقيها راميتها ما تاكلها كأني بضرها بشي او امها موصيتها ان ما تاخذ مني شي.

امس تهاوشوا العيال قام ولدي قال لي ان اخته تسبه قام ابوه و ضربه و قال انت كذاب، انا عصبت و هاوشت البنت و قلت لها لا عاد تسبين ولدي، اخذت الاولاد انومهم ما لقيت الا داخل علي مثل الثور الهايج و ضربني و هي اول مره يضربني و طلع من الغرفه قمت و قفلت الباب جا و ضرب الباب ما فتحت و كسر الباب و ضربني مره ثانيه قدام عيالي و هم يصارخون، يقول بنتي جايتني ترجف و تبكي انتي شنو سويتي فيها.
بعد ما هدا جا و اعتذر و طلب السماح بس ما سامحته و قال لي انتي حاطه دوبك و دوب البنيه ، قلت له انا شنو ضريتها فيه و شنو سويت فيها بس انت مو متقبل مني شي و قال لي عادي كل الرياجيل يضربون حريمهم قلت له غلطان ابوي عمره ما مد ايده على امي او على احد منا، و بعدين قلت له من دخلت بنته في بيتي و انا في مشاكل بسبتها ما ابيها في بيتي يردها عند امها او يوديها عند جدتها قال لي بنتي ما استغني عنها و المره تجي بدالها مره.

قلت له اجل خلاص اللي يضرب مره يضرب مره ثانيه و انا ما اقبل الاهانه و دقيت على اهلي و خذوني.

بس حبيت افضفض