ايه حبيبتي .. rosee

ممكن .. تعيشين أحلا عيشة ..


أنا شخصيا أعرف ... وحده .. تزوجت و صار لها أكثر مما تتصورين ..

و جابت .. اثنين ..

.و تطلقت بعد خمس سنوااااات ..

و كانت أحسن من أول .. من جد .. صارت فرفوووشة و تسوولف ..

و دخلت جمعيات خيرية .. و اشتركت فيها .. و أشغلت نفسها ..

و صارت تهتم بنفسها ..

و شكلها ..

هذا كله بعد الطلاق ..

و الحمد لله .. قبل شهرين حضرنا زواجها ..

من رجل .. من أفضل الرجااااااال ..

و الله يوفقها شوفيها .. مبسوووووطه ..

الله يديمها عليها ..

مع ان عيالها راحوا عند زوجها ..


و شوفيها بكرة عازمتنا .. حفلة عشان أولادها جوا .. كانوا يتمشون مع أبوهم .. مسافرين ..

لهم شهر ..

و الحمد لله مرتااااااااااااااااحة ..

و ان شا الله أشوفك مثلها و أحسن حبيبتي ..

الله يعينك وبصراحه انا مقدره موقفك خصوصا ان العشره ما تهون إلا على عيال ال........
لازم يا اختي تكونين مؤمنه بقضاء الله وقدره وان هذا اللي ربي كاتبه لك والقضاء وقع اذن لابد من الصبر
كل مشكله تبدي كبيره بعدين مع الوقت راح تصغر ويمكن تختفي
لكن كل هذا يعتمد عليكي انتي
انت بيدك تغير حياتك وين إرادتك وين عزيمتك؟؟؟؟
الحياه مو كلها مشاكل في أمل حتي لو كان الأمل صغيرالمهم في امل
خلك واثقه من عمرك يعني شنو مطلقه الحياه مليانه مثل حالتك واردي ايضا من حالتك خلك واثقه من عمرك وواجهي الناس مثل انتي لاتخلين هذي المشكله تسيطر على حياتك
تري الطلاق مهو نهاية حياتك ماتدرين مع الصبر والدعاء ربي يرزقك من حيث لاتعلمين
توجهي للخالق ناجيه وتحري اوقات الأجابه تري من دعا بني ادم خاب ومن دعا الله عمره مايخيب الله سبحانه امتحنك هذا الامتحان وهو القادر على تجفيف دموعك وجبر قلبك وبالنسبه لطفلك حاولي تعلمينه ان مو بس هواللي لحاله اللي والديه منفصلين ناس كثير مثل حالته وعلميه انه يتعايش ويتألف مع ظروفه وعوضيه عن بعد والده وانشالله راح اسمع عنك اخبار حلوه بس همتك يالغاليه حاولي بكل الوسائل انك تطلعي من هذي المشكله الله يجبر قلبك ويوفقك اللهم امين:13:

احساسك طبيعي جدا فكل مطلقه تمر بهذه المرحلة، لكن انت وحدك القادرة على الخروج من هذه الدائرة المفرغة.
المستقبل امامك، وقد انعم الله عليك بطفل يملأ حياتك، الكثيرات غيرك محرومات من سماع كلمة ماما، اعرف ان تربية الطفل وحدك صعبه جدا، لكن هذا ما قدر الله.
مما وصفت فطليقك ليس بالرجل الذي تندمين عليه، ان الله عز وجل قد من عليك بان كتب لك حياة جديدة، فبطلاقك قد اعطاك الفرصه لانهاء هذا العذاب والبدء بحياة جديدة.
عندما يمن الله عليك بزوج طيب ستعرفين الفرق، وستحمدين الله على قضى.

شكرا لكل من قرا مشكلتي وكل من رد علي......
والله اني عارفه اني لازم اتاقلم مع وضعي وارضى بقضاء الله ولكن كوني وحدي في بيت يزيد ماساتي ويخليني طول الوقت افكر.انا محتاجه لتفهم اهلي ولكن كل مشغول بهمه.حتى لمن ناقشت والدتي باني محتاجه لرجل يساعدني في امور ديني ودنياي قالت لي انت عندك بيت وراتب فاهتمي بولدك ولا تفكري بالزواج . اهي مافهمت اني محتاجه لحمايه رجل وللاستقرار النفسي.انا اريد حد يسال عني لين تاخرت. يحاسبني لين غلطت.يخفف عني وافتخر بوجوده في حياتي.اريد اعوض حرماني من الاب لان ابوي متوفي وهذا الي خلاني اتعلق بزوجي لمن تزوجت .عطيته كل العاطفه الي كنت محرومه منها.حسيته ملاك والله كنت اقدم له اللقمه حتى لو كنت مشتهتنها.اهله عمرهم ماتذكروا عيد ميلاده وانا ابد ما فوته.حتى نعاله وانتوا بكرامه كنت المعها.سكنته في بيتى علشان ما اضغط عليه بالمصاريف.ولا اطلب منه مصروف شخصي الا بالعيد وفقط علشان ارتاح واحس انه عطاني.ووالله ثم والله اذا طلعت له بثور كنت انظفها بايدي واعمل له مساج وانظف له اسنانه .الجيران كانوا يضربوا بي المثل. شقتي وبلا فخر كانت انظف شقه في العماره وفي اليوم مرتين احط بخور.واستضيف اهله واصدقاؤه وانا في قمة الفرح واقدم احسن ماعندي علشان ارفع راسه وياما ايام ما كنت اداوم علشان اطبخ للضيوف لان ماعندي شغاله.كنت انتظر اخر الاسبوع علشان اسوي له فطور سنع وهو يصحى بدري واصحى معاه حتى وانا تعبانه علشان ما ينتظر الفطور.والشهاده لله انه ما كان من النوع الي يتشرط بس انا احب اخدمه. يمكن مو المفروض اني اكتب ل هالتفاصيل بس صدقوني من زود ما بي.انا اتحرق وهو مستانس مع زوجته:44::06:

نحن مقدرين والله يا اختي لما انتي فيه .. والكل يعلم ذلك

لكن هذا قضاء الله وقدره ولا راد لقدره شيء ..

اصبري اختي واحتسبي هذا الصبر لتكسبي الاجر والمثوبه من الله ..

الكل معك .. ومتعاطف معك .. ونحن بصفك ..

ادعي الله ان يرزقك بالزوج الصالح اللي يعوضك حياتك ..

هذا امر الله .. ولا مفر من امره شيء .. وهذا ما كتبه الله لك قبل مجيئك للحياه ..

تعوذي من الشيطان وحاولي نسيان الامر .. وابدأي حياة جديده ..