تطلقت وحقدت على المتزوجات ولهالسبب دخلت العياده النفسيه

بنات اللي بتحس انها مقصوده بموضوعي لاترد والله لايوفق من تكذبني باي حرف عسساها تحس بنفس حسرتي لاني اكتب ودموعي على خدي
انا تزوجت وعشت اجمل ٦ شهور مع زوجي لين كشفته على حقيقته وانه انسان تافه مخدوعه فيه مايصلي متعاطي .. الخ
وبدات معناتي معه لين رحت بيت اهلي بعدين بدت معاناتي ارجعي لاترجعين لين جتني ورقتي ورجعت وشفت طعم الحياه
كنت انسانه من اجمل واروع الشخصيات بشهاده من حولي وقلبي واعرفه انظف قلب
اساعدكل الناس ولا انتظر رد منهم احب الخير للكل
بعد فتره من طلاقي حسيت اني تنمرت على بعض المتزوجات ولاحظوا قلت ( البعض) كل وحده حسستني انها مبسوطه بفتره طلاقي وحكت قدامي تمنيت الطلاق والتعاسه لها اتمنى تخرب حياتها اعطيت نفسي عذر وقلت يمكن هالشعور لانهم يتكلمون بحياتهم قدامي وماراعو مشاعري
مرت الايام وصرت اسوي تحديد على كل المتزوجات اللي حولي احسهم مبسوطين وانا لا
لو وحده قالوا زوجها بيتزوج عليها انبسسط مره ليه ؟ عشان اشوف ناس تعيسه وخربانها حياتها ماهو بس انا
المهم عجزت اتقبل الوضع اللي انا فيه
كذبت على اهلي وقلت عندي وسواس بالصلاه والطهاره ابي اراجع دكتور نفسي لاني ماني راضيه عن نفسي كنت ابي ارجع النقاء وسلامه القلب اللي قبل
فعلا رحت طبيب نفسي قالي انتي عندك تراكمت وكبت ومن هالكلام وقالي لازم تتعالجين سلوكيا فعلا تعالجت سلوكيا وعرفت اني كنت انسانه غير سويه
تركت العياده النفسيه بس حسيت بملل من نوع ثاني احس حياتي فيها فراغ طحت بمكالمه شباب واطقطق عليهم اسبوعين واسحب عليهم وارجع اكلم واحد ثاني واسحب ملييت
المهم قبل اكشف زوجي بالست شهور ماكان ظاهر لي اي عيب فيه بس قلت يووه معقوله هذا الزواج اللي كنت اتمناه مليت
ويوم تطلقت صراحه جتني مضايقات بس قلت حلو باجرب زوج ثاني
سنوات طلاقي مليت اقول بنفسي ابي اتزوج مره ثانيه احاول بكل ماتيت من قوه اتزوج بس اخاف اذ جت الحقيقه امل لان اللحين خاطبني واحد وللحين ماردينا
بنات انا داخليا احس ماني طبيعيه احب التجديد بكل شي ارجع للعياده مره ثانيه او وش اسوي هل هذي تاثير الضغوطات معقوووول