السلام عليكم
بكتب لكم قصتي كان ودي اكتبها من اول بس اتردد كثييييير وشي يردني غصب عني
المهم
بعطيكم نبذه عن حياتي
انا بنت امي اجنبيه وابوي سعودي متوفي من يوم ماولدت مالي لا عمام ولا خوال
خوالي بعييييييد ومانروح لهم الا كل 3 او 4 سنوات مرة وعمامي قاطعوا ابوووي من زمااااااان بسبة الورث يعني ماعرفهم ماعمري شفتهم بيحياتي لو اقابلهم بالشارع ماعرفهم فيهم قسوووة اعوذ بالله منها
اني اخوي وحيد جاني زوج عن طريق ناس زواج تقليدي وسأل عنه واحد بس ؟؟؟!!
وقاله انه زين ومازين\\
تزوجت وكانت الكارثة ان هالزوج قاسسسي جدا ..ولا عنده وظيفه ولا شي اول اسبوع طيرني بالسما قلت اخيرا بعد الله صار لي رجال يعييني على هالحياة بعد الله تعالى بس يافرحة ماتمت بعدها يعاملني بقسووة وبجفووة قوووية ومتأكدة السبب مو مني كنت اساله فلان وش فيك وش اللي صار ماكاني اتكلم
لا يصرف علي ولا يعاملني زين ضرب اهانات ونا عروووس ياناس ياحسرة قلبي ولا شفت شي حلو الا ندمت وتحسرت وبكيت على حظي الردي
رحت المحكمه عشان اخلعه انا وامي مالي الا هي الله يحفظها هالكلام من سنتين حتى الشيخ رحم حالي قلتله ماعندي رجال يجي معي
لما عرف اني بخلعه لانه رافض يطلقني مرمطني وراني الويل وقتها انا تعبت بمرض روحي حسد او سحر الله اعلم كنت اوون ولا اعرف وش فيني عانيييت معاناة مايحس فيها الا اللي مر بهالشي رحت لشيوخ كثير لكن الحمدلله ع كل حال طبعا هالمرض حصلي بعد زواجي
صار يتهمني اني مريضة من قبل لا ياخذني اعطاني كلمات للحين كل مااذكرها دمعتي تسيل على خدي
مره قالي رووحي انتي ماوراك احد ولا عندك رجال وسب على امي انها اجنبيه وكلام قوي!!!!!!!!!! قلتله تخسي اصلا دام قلت هالكلمه انت منت رجال
ورحت غرفتي جلسسست ابككيييي وانحح نح كانه احد ميت لي واقول ووينك يابوي صدق البنت مالها ظهر بعد الله الا ابووها بعدها قلي اذلفي تعبت منك ماتوقعت تمرضين واروح لشيوخ ومستشفيات
ددقيت على اخوي وجا واخذني
كنت انام الليل من دمعه لدمعه ماجفت دموعي من اللي شفته اللي كتبته يعتبر هين عيشيني4 شهور اسوأ ايام حياتي
المرض كان قوي قووي كنت احس بالمووووت والحمدلله بالقران والرقيه ولادويه اتحسن شوويه
تخلى عني بحاجتي له .. تركني وراح .. اااااااااااااه يالقهر ارسلت له رساله رووح الله لا يحللك ولا يبيحك على سويته وعساك تلقاه بأعز من لك
طنشني
جاني قبل سنة بعد ماتزوج قلي تكفيييييين سامحيني وحلليني والله صرت اهوجس واحلم احلام مفزعه فيك ونا ابيك وابي اردك لو تبين اطلق اللي معي سامحيني ومن هالكلام
مااقدرت اسامحه قلتله ماقدر انتا جرحتني جرح عمره مايندثر لا الايام ولا الليالي تسيني اياه ونا مارضى تطلق بنت الناس وترجعني انا ذقــــــــــــت الظلم وجربته مابي غيري يجربه لاعاد دق ولا ابي اشوف رقمك و قفلت بوجهه الجوال دق كثير وارسل رسايل لكن نفسي عافته نفس قسوته يوم رماني بحاجتي وشمت خلق الله فيني
غيرت رقمي
بس للحين انا تعبانه مو منه لا والله من حالي من يوم مرضت المرض الروحي وروحة الشيوخ والمستشفيات ونام الا بادووية نفسيتي بالحضيض والحزن مالي قلبي
ضاع مستقبلي وتدمر
كل ماتذكرت دمعت واقوي نفسي لكن الانكسار وش جبره ؟؟؟ والجرح وش يضمده ؟؟ والدمع من يجففه ؟؟
ساعدوني على اقل ادعولي لو بالغيب ربي يشفيني
ورد عودي @ord_aaody
عضوة فعالة
يلزم عليك تسجيل الدخول أولًا لكتابة تعليق.
حبيبتي والله مااصابك ابتلاء من الله ف احمديه واشكريه
اسئل الله العظيم ان يشفيك ويبعد عنك كل هم وحزن وضيق
اسئل الله العظيم ان يشفيك ويبعد عنك كل هم وحزن وضيق
moodka
•
الله يشفيك
انتي محتاجه للأنشغال بأمر تحبينه حتى لوكان متعب ومجهد لازم تشغلين كل وقتك
مع ملازمه العلاج بالقرآن اتركي المشايخ ارقي نفسك بنفسك افضل
وطليقك لاترجعين له ربي يعوضك بأفضل زوج
انتي محتاجه للأنشغال بأمر تحبينه حتى لوكان متعب ومجهد لازم تشغلين كل وقتك
مع ملازمه العلاج بالقرآن اتركي المشايخ ارقي نفسك بنفسك افضل
وطليقك لاترجعين له ربي يعوضك بأفضل زوج
الصفحة الأخيرة
استمري على الرقية ومارسي هواياتك او اشغلي نفسك بوظيفه
ويارب تفرج همومك وتلقي السعادة بحياتك