كل الناس تدري انه مادخل عليك
وانها مانحسبت عليك زواجه ،،،لاتفكرين ان هذا الموضوع هواللي مأخر نصيبك
لا ابدا هو مجرد نصيب ،،،لكن احرصي على حضور الزواجات والمناسبات واكشخي
يمكن تنخطبين فيها،،،وبعد دوري لك وظيفه تشغلين وقتك وتحسنين دخلك،

توك صغيره 27 اعرف بنات بجماعتنا اكبر منك وماتزوجو لا ويرفضون الخطاب بعد المهم مو انك تتزوجين المهم تختارين الشخص المناسب لمايتقدم لك اهم حاجه لاتضايقين روحك والزواج قسمه ونصيب الله يرزقك بالزوج الصالح

لا تكتئبي ولا شي حاولي تشغلي نفسك عن الفراغ وان شاء الله رزقك جاي بإذن لكن لاتنسي ان كل شي بإجل محدد قبل تخرجي للدنيا اسمك ورزقك وأجلك نسأل الله ان يجعلنا من السعداء في الدارين.
اعرف وحده تطلقت بعد ملكه نفسك حكايتك ولها اخت أصغر منها تزوجت وجلست عشر سنين وزوجها تزوج وولده الحين بالمدرسه
وهي الحين ماشاءالله جاء نصيبها و عرسها بالاجازه القريبه هذي

تدرين بقولك حاجه كنت افكر زيك ليش ماتقدمو لي خطاب واحط اللوم علي اكيد عشان كذا ولا كذا وبعض الاحيان اوسوس انه يمكن عين ونفس بس اطرد هالافكار واتفائل واعيش يومي وقد مقدر مافكر بالمستقبل وبعدها بفتره تقدم لي واحد ماني مقتنعه فيه ولا جذبني وافقت بضغط خواتي واقناعهم وبعدها والله انا بضيق يعلم فيه ربي وندمت وكرررهت الزواج بكبره وتحسسسفت فا عشان كذا اذا تقدم لك احد لاتوافقين عشانك كبرتي ولا ولا اهم حاجه التوافق

بتاحذين نصيبك والي كاتبه ربي لش لاتشيلين هم