تطلق ولا لا ؟؟؟؟؟

السلام عليكم ورحمة الله وبركاته
هلا وغلا بأخواتي الحبيبات ابي اعرض لكم مشكلة بنت خالتي وان شاءالله القى عندكم حل لها بنت خالتي صارلها ثمان سنوات متزوجه وما عندها عيال بسبب زوجها عنده ضعف حاولت معاه يتعالج بس مب راضي ومعاند تعالج مره وحده بس في بداية زواجهم ولما شاف العلاج ما ياب نتيجه قرر انه خلاص ماراح يتعالج بعد المهم زوجته انسانه ملتزمه وخايفه الله وصابره عليه ومو مقصره معاه حتى خدامه ماعندها اهي بنفسها تخدمه من فتره قريبه فاتحته بموضوع اطفال الانابيب فوافق بعد طلعة الروح وكل مايوديها للمستشفى يسمعها كلام يسم البدن مره يقول لها لعيال مصاريفهم كثيره ومره يقولها لعيال ازعاج اشنبي فيهم ومن كثر ما يحن فشل العلاج وتعبها كله راح على الفاضي ومع هذا استحملت واصبرت وفي شي ثاني بعد اذا طلبت من زوجها فلوس دايما يقولها ماعندي وانا ظروفي صعبه وعندي التزامات يعطيها مبلغ مايكفيها بالمره يادوب تشتري فيه الاشياء الضروريه يقولها ماعندي وهو عنده الدليل على هذا انه يشتري لنفسه كل شي ومايبخل على نفسه بأي شي والله مسكينه بنت خالتي حالتها تكسر الخاطر وكل ما قالت حق زوجها انت ما تحبني لو كنت تحبني جان ما عاملتني جذيه يقولها انا احبج وما اقدر استغني عنج حتى كم مره طلبت الطلاق بس ما يوافق والحين يقولها ابي اسافر بانكوك مع ربعي اهي ما تبيه يسافر ها الدوله الوصخه لانها ملتزمه وتخاف الله وتخاف عليه من ربعه لا يخربونه وتهاوشت معاه بس مصر انه يروح ويقولها مو على كيفج انا ريال وكلامي اهو اللي يمشي نفسيتها تعبانه بالمره وتفكر انها تطلق الصراحه لما كلمتني بموضوع الطلاق قعدت ابجي وماعرفت شقولها بس قلت لها اصبري انا بعرض مشكلتج لبنات حواء وان شاءالله يلقولج حل الله يخليكم ساعدوها لان نفسيتها بالمره تعبانه بسبب زوجها وفي شي ثاني بعد دايما يقولها انتي دايما معارضتني انتي ميولج مو نفس ميولي وافكارج غير عن افكاري وانتي ما تفهمين وكل هذا لانها انسانه ملتزمه وهو لا اهي ماتحب سماع الاغاني ومشاهدة الافلام فعلشان جذيه مو متفقه معاه .:(:44: