والله أحسن للواحد مايعمق الصداقة خاصة في الغربة
تكوني لها اكثر من الأخت وفي النهاية تقلب عليك وتصيري عدوه
أن أحاول اترك الاشكال هذي لانها ماتستاهل من يصادقها
الله يردنا لاهلنا سالمين ومانحتاج أحد 

الله يعيننا من جد، صراحة صار لي موقف مع مبتعثة كنت أدرس بالمعهد معها كنت أتوقعها
مؤدبة وحيوية وكذا بس للأسف لاحياء ولامستحى و24 ساعة طاقة حنك سوالف مع السعوديين !
المصيبة والحمدلله إن ماصادقتها تمام إنها متزوجة !! الله يهديها
صراحة مالقيت للآن بنت محترمة وخلوقة للأسف ..
الله يهدينا جميع يارب..

المغتربات الجدد الله يحييكم وترا ماهي ظاهره التطنيش وفيه الخلوقه وكأنها أختك وفيه لا أهم شي ماتطيحون الميانه م البدايه حتى تشوفين أخلاقها وتصرفاتها حتى في بلدنا الناس أجناس لكن هناك ماتفرق معانا كثير لأننا بين أهلنا ومعارفنا..
الله يسهل أمرنا جميعا ونرجع ونحن في زيادة من أمر ديننا ودنيانا..

الصراحة انا صارلي كذا موقف وخصوصا مع السعوديات تقول محد طلع ابتعاث غيرهم لما نكون بمكان عام واسلم تناظر وما ترد زي الي كانه تقول من متى المعرفة ؟؟؟وإلا تسوي نفسها مو شايفتك بس شوفي العرب الباقي زي الأردنية فلسطنيه سوريه حتى لو مو محجبه تبتسم لك من وإنتي بعيده وتسلم واحيانا تسولف معاك نفس الشي الأمريكان عشان كذا احب أتعامل معاهم أكثر خلاص سرت اذا شفت سعوديه ما اسلم اذا هي سلمت رديت اذا كلمتني رديت وبس ...بس مو كل السعوديات انا أقولهما كذا لا فيه من رحم ربي كويسآت ويسلمون ..

انا ابدا مااتفق معكم انا كنت مغتربه تعرفت على بنات قمه في الادب والاخلاق والتعاون كنت اولد ويسون لي جدول كل يوم وحده تطبخ حتى كنت اترجاهم لا يطبخون انا ماكل مع هذا يطبخون ومتعاونات ويساعدون بعض في كل شي حتى في امور الدراسه بعدين اشفيها اذا تعرفت عليك سعوديه وسالتك عن الدراسه واستفسرت ليه ماساعدها مو لشي لوجه الله هذي بنت بلدك انا ماشوف فيها عيب ان الوحده تتعرف عليك عشان تساعديها اوتسالك عن امور تجهلها انا اشوف الناس برا اكثر تكاتف من السعوديه بحكم الغربه واذا كان في نماذج سيئه فهي قليل ومن الظلم تعميمها على بقيه المبتعثين والحمدلله طوال مده غربتي ماتعرفت على النماذج الي تتكلمون عنها تعرفت على بنات كل ماتذكرتهم تدمع عيني على فراقهم الله يجمعني بهم في جنات النعيم