تطوراتي سألت جارتي وقالت صحيح كلامه

عواطف تركي :

اعتذر على كل حرف راح يصدر مني ويكون جارح بحقك لكن انتي محتاجه من يصحيك موضوعك اللي قبل صار طويل عريض وصلت الردود اعداد هائله والحين تجين مره ثانيه تشاورين ومتردده ومتراخيه وكنك تقولين اذا مره شد علي بالكلام بوافق على شروطه ؟ ياشيخه سوي اللي تبين وبالمره خذي جزمته وحطيها فوق راسك ولا اجلدي نفسك بها الى ان تحسين ان زوجك راضي عنك ومبسوط منك وموافق انه يرجعك لذمته بالاسم !! اذا قلنا لك انتي متعلقه فيه وتبينه لو بالاسم ولو يذلك ويهينك تقولين لا ، بصراحه اللي اشوفه الكلام شي والفعل شي ثاني . عزيزتي تبين تعيشين بكرامه وبالك مرتاح وماتندمين طول عمرك عزي نفسك ودوسي على قلبك قبل لا يدوس عليه غيرك ولا تحطين على جروحك واوجاعك ومشاكلك مخدر وبنج مؤقت عالجي الوجع والمرض من اساسه وجذوره او استأصليه ووفري على نفسك واختصري العذاب لان نهايته معروفه انتي كأنك تقولين اقبل أي شي واتنازل عن الحقوق اللي الله شرعها للمتزوجات عشان بس ما افارق سي السيد اذا قبلتي تتنازلين عن حقوقك راح يوثقها في العقد وبتكونين بحكم المسيار وبكرا تمر فيك الشهور والسنوات ويكبرون عيالك وانتي شايله المسؤليه لحالك وتشوفين نفسك وحيده لا زوج ولا سند بس معلقه بإسم رجال وثقي تماماً ان هالحب والتعلق اللي بقلبك مع مرور الوقت والبعد والتقصير وقل الاهتمام بيتحول لجفاء وكراهيه وبتصحين من غفلتك وتلقين نفسك خسرتي كل شي وضيعتي وقتك وحياتك على شي مايستاهل . لا تقبلين الا بالعدل والشرع وبكامل حقوقك مثل أي متزوجه كوني قويه وصارمه وشجاعه مره وحده في حياتك حاربي وناضلي عشان مستقبل عيالك لا تقبلين بالفتات والبقايا وانصاف الحلول

اعتذر على كل حرف راح يصدر مني ويكون جارح بحقك لكن انتي محتاجه من يصحيك موضوعك اللي قبل صار طويل...