تطورات حالتي ( أحس اني مو طبيعيه ) يارب فرج علي

السلام عليكم ورحمة الله وبركاته


ماراح أحد يعرف قصتي الي الي قاريه مواضيعي الي قبل

لكن ابقولكم ملخص


اكيد انتم بتقولون انتي الي جايبه لنفسك البلا لاوالله اني أكون طبيعية لكن لا بديت الصلاه والوضوء أكون وحده ثانيه كل الكلام الي قريته والتطبيق يروح هباء


انا فيني وسواس في الوضوء والصلاة وقلت قبل فتره اني تركتها بس تركتها يوم ويوم جاء الصبح قمت اصليهن
خواتي جو نصحوني وقفو معي بس يومين عقبها ماشفتهم

بنات انا تطورت حالتي مو على بس الوضوء والصلاة صارت أشياء ثانيه ما اقدر اقولها

صرت احتلم كثير ولازم لاقمت اغتسل

صرت أقعد ي دوره المياه ساعه ونص مدري كيف اقولكم تطور وضعي بشكل مخيف صرت الحين كأني عامود كهرباء من نحفي امي صارت تقلق علي كثير يوم شافت حالتي
مدري كيف ابتحمل لاجت الدوامات فيها كرف وانا لما أوقف ما استحمل

أتمنى إن فيه أحد وقف معي وصار شاد علي في بدايه الوسواس لأنه كان بسيط وأقدر بارادتي أن أوقفه
الحين ما اقدر قسم بالله تعبت صرت لاطلعت من دوره المياه متمليه مويه
لاجيت أتوضئ لازم أمسك نفسي لا أحدث أو اتحرك أقسم بالله اني احلف وأقول نذر علي ياربي وعاهدتك ياربي إن هذا آخر وضوء لكن ارجع أعيد تعبت صلاتي ودي اصور مقطع لي واخليكم تشوفنها بس اتحرك ما أوقف ولا اقعد للتشهد لا اقعد اتحرك يمين يسار علشان ما أحدث

اكيد انتم بتقولون انتي الي جايبه لنفسك البلا لاوالله اني أكون طبيعية لكن لا بديت الصلاه والوضوء أكون وحده ثانيه كل الكلام الي قريته والتطبيق راح هباء

فيه أشياء ابقولها لكن عيب علي بس والله علشان أوضح لكم جالسه أكتب لكم وانا ابكي

انا لا دخلت دوره المياه تكرمين أقضي حاجتي بعد ما اقتنع اني تنظفت مدري كيف اقولك
ثم أوقف اصب المويه على جسمي ثم ارجع أصب المويه على الي تحت
وعالحاله


والله أشياء كثيره وربي أعلم بحالتي بس مدري وش اكتب ومدري وش اخلي قلبي متقطع على امي

العصر وانا نايمه احتلمت ويوم قمت لقيت اني ماغسلت ملابس ولاشيء يعني وشلون اغتسل أو اتطهر وأقوم اغسلهن المشكله انهم نشفوا وانا ماغتسلت ولا صليت الظهر والعصر والمغرب والعشاء فيه شيء يمنعني بس مدري وشو

صرت قبل ما يأذن بساعه أدخل دوره المياه عشان أصلي بوقتها واطلع وخواتي مايفتحون الباب علي



والله العظيم إني أفكر بنفسي كم شهر كيف كنت وكيف صرت تغير كل شيء لاجسمي لا فكري لا نفسيتي والله ماكنت كذا كلن يقول عين حسد مدري ايش تعبت والله

ادعولي تكفون يمكن أحد يستجاب منه



ابي نصائحكم تعبت والله قسم بالله وجهي يخوف وجسمي تعبانه. مره