تطورات في موضوعي عن اختفاء زوجي

السلام عليكم
بنات زوجي رد على رسائلي يوم السبت الصباح ومارديت عليه الا متأخر بحكم اني نايمه ما انتبهت بسرعه
قال لا تتعبي نفسك مارح اكلم احد ومقفل جوالي وعايش وحدي لاتشغلي بالك ماني متهني في حياتي وجعلني بالموت معك و جوالي مقفل مارح ارد لا تتعبي نفسك
رده هذا كان بعد ما ارسلت له وقلت انه زعلان لسبب مالي ذنب فيه وكلها سوء فهم وانه مره مبالغ في ردت فعله ومن هذا الكلام و قلت عساني بالموت إذا كنت انا السبب في غيابك عن عيالك وحرمانهم من ابوهم
وهذا كان رده اللي فوق على كلامي
رجعت ارسلتله ومارد
وبالليل الساعه ١ ارسلتله صور من المستشفى عشان يفهم ان فيه حد تعبان ويرجع وللامانه محد تعبان بس كنت بشغل باله عشان يرجع
تفاجأت فيه يرسل امس الصباح الساعه ٩ يقول سلامات ايش فيك
شوي ويرسل صور له وهو في المستشفى ومركبه عليه مغذيات وباين التعب في وجهه
انا مافتحت رسائله الا اليوم يعني هو ارسل امس الصباح على السناب وانا فتحت رسائله اليوم كنت بخليه ينشغل علينا اذا تأخرت في ردي ويرجع لأن ماعاد ينفع الا كذا
بس انصدمت يابنات شفت الصور تفجع وجهه متغير واضح تعبان مره وارسلتله كثير ومايرد ادق عليه ومايرد اشغل بالي وراح احس نفسي بنجن قلقانه عليه وما ادري هو في اي مستشفى او ايش صاير معاه


سارب في ذي الليله انه يرجع لنا ويكون بخير ومافيه الا العافيه لاحول ولا قوة الا بالله احس نفسي مربوطه ومابيدي شي اسويه عجزت فيه وهو كذا
دعواتكم في هذي الايام الفضيله ان ربي يرده لنا ويجمعنا فيه على خير.