تطورات مشكلتي ومحتاجه للمساعده

السلام عليكم
هذا ثاني موضوع لي في المنتدى وابي مساعدتكم بعد ماقصرتو معاي في الموضوع الاول وبنصايحكم الحمد الله تغيرت حياتي للافضل
ابي موقع للاستشارات النفسيه مثل ماطلبت في موضوعي الاول
وحده من الاخوات عطتني موقع الاسلام ويب وهالموقع جنني كل ماحطيت لي لقب رفضه وقال مسجل من قبل وبالموت لقيت لي لقب مو مسجل والاستشارات الصباح الساعه ثمان اضطريت اسهر لثمان ثلاث ايام واكتب سؤالي في مذكره واجلس انتظر الموقع واراقبه الساعه 8 بالضبط ارسله نسخ ولصق ثمان ودقيقه يقولي اكتمل العدد للاستشارات لليوم احاول مره ثانيه في يوم ثاني معقوله دقيقه بس اكتمل العدد بصراحه جاب لي نفسيه هالموقع وطفشني
رسلت لموقع ثاني ولي اكثر من عشرين يوم ماردو علي
ورسلت لموقع وقالو لازم ادفع مبلغ عشان يردون على سؤالي وبصراحه خفت اخسر ومايردون ومنو يوديني عشان احول لهم مبلغ
امي تنومت في المستشفى وكنت مرافقه معاها واستغليت الفرصه ورحت ابي موعد للعيادات النفسيه ومارضوا لازم اجيب تحويل من مستشفى ثاني عشان يعطوني موعد حاولت معاهم لو استشاره بس مو لي العلاج مارضو امي كذا محوله من مستشفى ثاني
احس زادت حالة زوجي مايبي احد غيري حتى اهله الي يجلس معاهم هون بس دقايق ويروح شقتنا
رحت بيت اهلي عشان امي مريضه وتنومت في المستشفى وكنت انا اخف وحده من خواتي كل خواتي وراهم كومه عيال مايقدرون يخلونهم ويرافقون امي وحتى زوجات اخواني رحت برضى زوجي خذت كم يوم بس ومرض وتعب يبيني ارجع تنوم في المستشفى مليت منه قلت حق اخته اخوك مو طبيعي مريض ولا تزعلين مني معقوله رجال يمرض وماياكل عشان زوجه بعدت عنه صرت بين نارين ابي امي واخاف ابعد عنها ويصير لها شي او تموت لا قدر الله السكر مايرحم مرتفع مرااا عندها وبين زوجي الي مو عارفه علته
تناوبت انا وزوجه اخوي على امي جلست معاها فتره وزوجه اخوي فتره وجى جلس بيت اهلي معاي
طلبت منها تقولي وش فيه حلفت لي ماتدري عن شي من انولدت واخوها كذا انطوائي ومايطلع تقولي مرات يكسر خاطري وارحم حاله واحترمه ومرات اصير مثل خواتي لين كبرت تقول حتى الاكل ياكل لحاله وتسأل اهلها مايردون لها ومايعطونها جواب لانا فرق بينهم عشرين سنه
رجعت شقتي نهايه رمضان وتغيرت معاملتي معاه حاولت اتكلم معاه وماخليه غير بدايه الزواج يسكت وانا ساكته اخليه يشاركني في كل شي نزلت العاب واخليه يلعب معاي وبرنامج الاستغرام خليته يشوف الصور الي حاطتهم وعرفته على اهلي وصديقاتي طبعا من الصور وحافز علمته عليه عشان يحدث لي وخليته البارح يحدث لي وحطيت صور اني احبه واعشقه فرح حيل وانبسط
حتى التنظيف خليته ينظف معاي للعيد بدال جلسته ابيه يتحرك وعشان يكلمني ويسأل
احسه ارتاح وتغير معاي بس للناس لا شكله يبي انا وهو نبني مدينه ونعيش فيها احنا الاثنين بس
يوم العيد صلى العيد ورجع البيت جلس اشوي بيت اهله ومارضى نفطر معاهم مع انهم مجمعين كلهم قالي يبي ينام قلت له انا جايعه ابي افطر قالي اقول لامي يصعدون لنا فطور شقتنا حاولت معاه نبقى مارضى قالي نفطر لحالنا اريح لي
نمنا وجلسنا في المغرب وراح معاي بيت اهلي بس سلم على اخواني وعايدهم حتى جلسه ماجلس معاهم وهو اقف سلم ومشى يقولي تعبان امي زعلت تقول حتى حلاوة العيد ماكل .. الي وداني بيت اهلي اخوه وقاله يوقف له عشان يرجعه البيت
بيت عمه مارايح يعايد مع اخوانه وجمعه الرجال راح ثاني يوم مافي احد
بطلع مع اهلي استراحه وبحر ومطعم مو راضي يروح معاي يقولي روحي واذا بروح قالي اطفش لحالي لا تتأخرين احس شكله يكسر الخاطر واغير رايي ماغير مقابله وجهه اربع وعشرين ساعه اهله ينزل لهم وهون وصار ماينزل المشكله اذا طلعت وخليته ماياكل حتى لو كنت مجهزه له الاكل طلعت مره وحده السوق مع اختي ماكل شي لين رجعت والاكل على حطته ما حركه
الحين مشكلتي اني قدرت اغيره اشوي في البيت وتعامله معاي باقي لي اغيره للناس واخليه مايخاف ويرتبك مو عارفه وشلون ابدأ معاه مابي اجرحه والي محيرني زياده ماشوفه ياخذ اي علاج وضعه طبيعي وشكله جدا طبيعي بس للزحمه يرتبك ويرجف
في البيت انا الي ابدأ واهذر على رأسه حتى قصص اقول له وهو غصب يسمع عشان يرد علي مايرفض لي طلب
انتظرررركم