تطورات موضوعي انا وابني

السلام عليكم
https://www.hawaaworld.com/%D8... هذا رابط المشكلة للي ماتعرف

لي صار انه رفع قضية بالمحكمة من ثاني يوم عشان ياخذ الولد مني وانا قاعدة من كم يوم على اعصابي منهارة حيل وموعد الجلسة قرب
وكلت محامي بنفس اليوم شاطر وطمني انه الكلام لي كاتبه بالقضية اصلا يدينه هو مو انتي والشيخ ان شاء الله يحكم لك بحضانة ابنك او عالاقل يحكم انه الولد يعيش عند ابوكي ومن بعدها نرفع قضية نفقة عن عدد السنين لي ما انفق فيها ونطالب فيهم
الغبي كاتب اني حارمته من الولد من يوم ماتطلقنا وانه يرسله مصروف كل شهر واني احرمه من حق الزيارة
ورسائل الواتس موجودة وهو قايل ل ابوي
انه ماله علاقة بالولد ولا يبغى ينفق عليه ابدا وكلامه من قبل كل مايقوله ابوي تعال شوف ابنك مايرضى وبرسالة كاتب ل ابوي لي جابه جاب غيره وعندي بداله ولدين
طبعا كلهم احتفظ بهم المحامي على طول وطمني انهم اقوى اثبات بينضرب فيهم بالمحكمة
اليوم زوجة ابوي الله يجزاها كل خير خلت اخوها وهو ضابط عميد بالشرطة يقدر يتواصل مع الشيخ نفسه لي عنده القضية وفهمه
قاله ياشيخ فلان السالفة كذا من طق طق للسلام عليكم
الرجال ماله هدف الا انه يحرم الولد من امه وهو اصلا كان متخلي عنه من قبل ويوم كانت اختي وبنت زوجها يودون الولد ل الاب كان يتعامل بجفاء وقسوة من الاب وحرمته يعني لو انحكم له بحضانته لاسمح الله مارح يتقون الله فيه ابدا
ان شاء الله انه الكل يبشرني بالخير
وانا مقومة الدنيا ومو مخلية مكان ما استشير فيه وقاعدة على اعصابي طول الايام هذي
بس ما اقدر
هذا ابني وكل ام حنونة تعرف ايش يعني كلمة ابن وايش شعورها لما يكون طليقها ظالم ومتجرد من الابوة وزوجته اظلم منه ويبغى ينتقم منها ب فلذة كبدها
الله يعجل بهلاكه هو وحرمته وامه واخواته على اهون سبب
قادر ياكريم