تطورات موضوعي زوجي بيتزوج علي لانا خلفتي بنااات

السلام عليكم ورحمة الله وبركاته
بقول لكم تطورات موضوعي زوجي بيتزوج لاني خلفتي بنات والسبب من خواته بعد مارضى واقتنع يكتب البيت بأسمي رجعت حياتنا شبه طبيعيه ورجعت انام في غرفتي وزوجي صار يجلس معانا ويسولف مع البنات ويذاكر لهم ويطلعنا نتمشى وقالي نطلع نلقى نظره ونأخذ فكره عن الاصباغ للبيت والسراميك الى الان كلشي ماشي اوكي
فجأه تغير زوجي من طلع للدوام مارجع تأخر دقيت عليه رد علي قالي بتأخر عندي شغل رجع معصب وشكله زعلان سألته فيك شي قالي مو ناقصك انتي الثانيه روحي عن وجههي وفكيني وطلعت مارديت عليه لاني مابي اكبرها معاها ولا اتهاوش خليته على راحته يوم ثاني طلع ساعتين ورجع كلا نوم وماياكل معانا ورجع للعزله مثل قبل واسمعه يكلم بصوت عالي بس مو مفهوم لاني صعبه بسمع عليه قدام بناتي حيرني معاه مو عارفه وش فيه كلمته مره ثانيه ياكل معانا واجهز الاكل يقولي مابي شي كم يوم من غير اكل لين تعب وجاله هبوط وراح المستشفى وكل الي هالي صار شنو سببه مادري بعد ماطلع من المستشفى رجع اشوي ياكل وخذ اجازه من عمله انا بصراحه تعبت منه ومن وضعه مدري وش وراه والي مسويه فكرت قلت مالي الا زوج اخته ارسل له واسأله وش صاير مع اني ترددت والله بس قلت مالي غيره رسلت له الصباح لاني اظمن انه في العمل رد علي وقالي اخير رسلتي لي لانه يبي يطمني وعارف انا زوجي عنده اجازه ومايبي يرسل لي وهو موجود ولا يرسل لي اي وقت يخاف الجوال يكون عند وحده من بناتي
قالي اطمئني كلمت زوجتي وحلفت عليها انا ماتدخل في زواج اخوها ولا في بنات اخوها وحلف علها ان سوت اي شي من وراه وتدخلت في حياة اخوها الي هو زوجي تعتبر محرمه عليه وقالها بتسوين شي من وراي بتعشين معاي بالحرام بكيفك انا صراحه انصدمت وحسيت قلبي بيوقف ليش كذا وش قصده ماتوصل للحلف وسالته ليه كذا يكفي تهددها ماتوصل للحلف قالي سويت كذا لانها سوت موقف قهرني ومايرضيني الي سويته قلت فيني االموقف مارضى يقولي الموقف قالي مابي اغثك انا اعرف زوجتي لو ماسويت كذا وحلفت ماراح تسمع كلامي انا قلت لها اي شي تسوينه سواء تخطبين له او تدلين على بنت او تعطينه رقم بنت انتي محرمه علي كأنك اختي وقلت لها حتى لو تزوج اخوك من غير تدخلك في زواجه انا بتزوج مثله عصبت عليه قاله لها عجيب امرك بتزوجين اخوك وماهمك زوجته ولا بناته وانتي ماترضين على زوجك يتزوج وقالي انا زوجي مايدري عن شي من هالكلام كل الي قالته اخته انا مالي شغل فيك تبي تتزوج تزوج بعيد عني ولا تدخلني في مشاكلك لانها ماتبي تغلل من زوجها في نظر زوجي ولا تبي مشاكل بينهم
بعد هالكلام قالي حذفي المحادثه ورقمي حذفيه وانتهي لا تغلطين اني قلت لك شي او بينا اي اتفاق قلت له اكيد هذا الي بسويه بحذف كلشي
وضع زوجي مب طبيعي نومه مو طبيعي قلت له اذا تسوي كل هالشي في نفسك عشان الزواج تزوج وريح نفسك الي يشوفك مراهق على حركاتك لا اكل ولا دوام ,,,, لاني اكرهه هالاسلوب رجال كبير يزعل ماياكل ولا يداوم وش خلا للشباب والمراهقين
قالي اختي شالت يدها من زواجي قلت له ليش مو هي الي مشجعتك وتبي تزوجك قالي هذا الي قاهرني واحس اني بموت ليش تعشمني على الزواج ليش تحلى الزواج في عيني وبعد مارضيت وبخرب بييتي بسببها تنسحب وتشيل يدها قلت له يعني مافي الا هالبنت الديره مليانه بنات قالي مو على الزواج انا ابي اعرف السبب احس اني كارهه نفسي ليش تسوي كذا فيني وحسيت الدمعه في عينه قلت اذا تبي تتزوج تزوج دام حال كذا وماراح تعدله الا الزوجه الثانيه ودام كل الي سويته مابان في عينك سكت ماراد وانا طبعا ماقدرت انام في غرفتي طلعت ونمت في غرفة بناتي
الصباح بعد ماراحوا بناتي مدارسهم رجعت بنام في غرفة بناتي جاني وحظني وباس راسي واعتذر قالي أسف وسامحيني على كلشي سويته قلت له اسامحك الحين وبعد فتره ترجع لي بموضوع ثاني وتعصب وتزعل قالي مافي موضوع ثاني ولا شي واختي انا الي بربيها على حركتها معاي قلت له وش بسسوي قالي ماراح اسوي شي يضرها وانتي لا تشغلين بالك ولا تدخلين بينا خلك بعيده رايح لك
وش بسوي مع اخته مدري الله يستر وش استفادت الحين غير حطتنا في مشاكل وهي صارت تحت ضغط الحلف والحين اي شي بتسويه بتعمل له الف حساب