تطورات موضوعي ضاقت علي يابنات

السلام عليكم ورحمة الله وبركاته
قبل لاابدا يابنات انا مستغربه من اللي تجي وتقول انتي تطقطقين علينا ولا مو صادقه
يعني معقوله يابنات الحياه هاذي مثاليه وخاليه من الظلم والقهر والذل
اقسم بالله يابنات هاذي حياتي ولا تجي وحده تكذب موظوعي،، لاني والله صادقه بكل حرف اقوله
اللي صار يابنات انا بديت اكره وظعي واكره زوجي واكره الدنيا ذي بكبرها،، لان امه كملتها معي وجلست تخانقني امس ،، كذا خناقة تسلط وجبروت،، لانها عارفه اصلاً ان ماوراي سند ولا وراي زوج ياخذ حقي،، هي عارفه ان ولدها بيصدقها بكل شي ولا عنده استعداد لو مجرد يتقصى الحقائق،، كلام امه عنده كتاب منزل من السماء
انا اليوم زرت اهلي وكلمت ابوي واخوي بموظوعي وحياتي،، ووظحت لهم كل شي،، طبعاً جداً تضايقوا من وظعي وحياتي،، ولا تمنوا ان بنتهم ترضى تعيش الذل هذا
انا الحين قدامي فرصه وحده بس راح اعطيها زوجي ودرست مع اهلي رغبتي بالانفصال
لكن تدرون وش اللي كاسر ظهري،، عيالي
لو تطلقت كيف بأمن لهم حياه كريمه وكيف راح اعوضهم عدم وجود الاب بحياتهم
وكيف اصلاً راح تكون حياتي لو فكر ياخذهم
لانه لو يفكر ياخذهم،، راح انهي حياتي على طول
الحياه اللي مافيها عيالي ماابيها ولا افكر اعيشها
حتى زوجي يوم افكر انه بيزوج وينبسط بحياته ويبدا حياه جديده اتضايق
لان هو بيبني حياه جديده ،،وانا ابحاول الم حطام حياه منتهيه
انا مازلت عند اهله ولا اشوف عنده رغبه قويه انه يجهز لي بيت
باالعكس بارد نوعاً ما بهاالموضوع
رغم اني اعرفه لو حب يدبر الفلوس كان جابها من تحت الارض
بس لما اقوله خذ قرض،، يقول ماابي الديون
لاني كذا اتخيل انه لو نطلع بعيد عن اهله ممكن انه يستقر ويهدأ
هو لما نكون ببيتنا يكون هادي،، لكن اول مانجي لاهله ينجن ويصير اسوأ مافي الارض
الحين يابنات لااحد يقول تغيري،،، عشرة 11 سنه مو بسهوله اغيرها،، اصلاً لو مجرد استقوي عليه او اخذ حقي كان سوا شي لاتحمد عقباه
لانه تعود على الزوجه المثاليه اللي تخدم وتشتغل وتعطيه حقوقه وهي ساكته
ورغم هذا انواع الانتقاد وانواع النفخ وانواع التكبر والغرور
افكر انفذ بجلدي،،، لكن خوفي لايجي واحد من عيالي ويسألني سؤال اعجز اجاوبه عليه
اخاف من كلمة كلهم عندهم ابو وحنا ماعندنا
اخاف يقولون حنا ليش مو ببيتنا
مستعده اقطع نفسي قطعه قطعه ولا يحسون عيالي باالنقص
بس عجزت اضبط المعادله هاذي
عجزت احلها
مرات اقول يازين الموت والله انه راحه
لكن حتى وانا اتمنئ الموت اقول حرام اخاف عيالي يفقدوني
لدرجة اقول ليتني اموت انا وهم مع بعض
اخيراً اقسم بالله اقسم بالله اقسم بالله اني صادقه
واللي بتعيش بتشوف ان الحياه هاذي فيها العجب
اسأل الله لي ولكم الفرج والسعاده
ادعولي بنات بهااليوم الفضيل
ادعولي بكل صلاه اذكروني،، لعل فيكم مستجابه الدعوه