شحالكم بنات
الصراحة شفت الاعمال ماشاء الله لاقوة الا بالله في غاية الروعة والجمال الله يعطيكم الصحة والعافية
ويزاج الله كل خير ياروعة الاخلاق على الافكار
بعد مارسلتلي روعة الاخلاق رسالة اني متورطة
قلت بهذي السرعة الصراحة ماكنت متوقعة
وقلتلها عندي عمل قديم اقدر اعرضه ... تقولي اسمها ورطة لازم عمل يديد
ودورت العمل القديم اذكر اني احتفظ بكل الصور عندي
بس سبحان الله لاخليت سيدي الا وفتشت فيه وكم مرة وماحصلت الصور
المهم
انا كنت محتاجة حق صينية للعطور اللي على التسريحة
لان التسريحة وايد صار فيها بقع من بعض العطور
والورطة يت في وقتها
نروح للعمل
بما اني حجرتي لونها برتقالي وبيج
جمعت كل الاشياء اللي عندي
المطلوب
1- علبة شماغ( غترة) - مسدس شمع - اكسسوارات - قماش مخمل - مفرش تور - مقص - تور ذهبي - شرايط
طريقة العمل
2 -اخذت الجزء السفلي من العلبة وقصيت القماش بشكل مربع
3 - لصقت القماش على العلبة
4 - اخذت مفرش التور ولصقته على القماش
5 - قصيت من التور الذهبي قطع مستقيمة
6- سويت منهم فيونكات
7 - من الشرايط الصغير بعد سويت فيونكات بنفس لون القماش
8 - لصقت الشرايط على الاطراف الاربعة ولصقت عليهم وروود
وصارت صينية حق العطور
**********