بقولكم ليش تطورت منفوحه... هذا سلمكم الله محدثتكم تطورت من نوكيا E72الى الايفون ... :42: ولاني دجاجه وبوصف أخر زوجي يقول اني عنز.. مدري وين الله حاطني ... تحسفت اني شريته :icon33:على انه ممتع حيل ... من كثر ماحذروني منه ... خفت منه بقولكم مواقفي معه
1- هذا اول ماشريته فعلت خدمة الوتس اب فيه .. ارسلت اختي الرمانه ام طلال رسالة وتس اب والا مكتوب فيه رساله من ام تركي ... هنا قمت اسمي واتعوذ.. قلت اهب عليك من جهاز وشلون عرف انه عندها ولد اسمه تركي وانا انخلع زوووود قلت هذا اللي بيفضحنا..:35: ناسيه انها كاتبه اسمها ام تركي ... هنا ثبتت مقولة اني دجاجه...
:26:
2-جيت بغير ملابسي وكان الجوال عندي لماشلت ملابسي الا واناظر جوالي ... يمه انخلعت احس كل اللي معه ايفون يتفرج علي والقط شرشفي واغطي جسمي ... وامسك الجوال مع اذنيه واطلعه واقفل الباب ,...واغير هدومي على راحتي... :29:
:26::26:
3- عندي برنامج قوقل ايرث فرحانه فيه احسب مااحد درى عنها الاأنا:42: اثر العالم عاجه فيها من زمان.. اسولف على امي فديتها... اقولها والله يمه شفت بيتكم والدليل الجمس داخل الحوش ... هنا امي انخلعت وماهي مصدقتني .. قالت طيب أنا وش لابسها الحين:hahaha: هنا مت من ضحك.. قلت يمه وش دراني عنتس مايصور اوادم.. قالت اشوا ... ياعمري تحسبه يكشف عورات الناس..
الخلاصه... بنات هذا الجهاز له محاسنه وله مساؤئ مشكلتني اعرف بعضها وبعضها ماااعرفها ... زي لما انزل برنامج اول سؤال يجيني بعد ماانزله هل تسمح للبرنامج بتحديد موقعك... على طول ارفض .. بس ليش يسألون وش الفايده...
موضوع للنقاش ... تجاربكم بحلوها اومرها..... نصايحكم .. قصص
ومبروك التطورات