تطويل وتكثيف الشعر بس مش شعر الرأس

السلام عليكم ورحمة الله وبركاته
اليوم نبا نطول ونكثف شعر بس هب شعر الرأس
************** رموش العين ****************
أنا كنت والحمد لله استخدم زيت خروع وأحياناً زيت الزيتون أو زيت الحبه السوداء
مع عسل النحل الطبيعي
أحطهم في زجاجه أو إني أستخدم قارورة المسكره العاديه أنظفها وأحط فيها الخلطه
واستخدم فرشاة المسكرة على شان أحط على الرموش وما يدخل في العين
كل يوم أحط وأرقد فيه والحمد لله رموشي طوال وكل حد يشوفها يظن إني مركبه
رموش والحمد لله ............... هذا من فضل ربي علي
وتبون الصدق أنا أي حد يسألني أقول مركبه لأنه بصراحه درأ لعين الحسد وعسى
أفيد حد بهالموضوع
ويدعي لي ما يدعي علي
بس نصيحه فيه ناس عندهم حساسيه عند أطراف الجفن أتمنى إلي تظن إنها من هالناس تجربه في فترة النهار وتحطه فترة بسيطه وتشوف هل تحسست ولا لا
وبعدين تكمل الاستخدام
وتظهر النتيجه في أقل من أربعة أيام بتلاحظين إنه لون الرمش تغير يعني إذا أسود
راح يزيد سواده لأنه صار صحي وبعدها راح تلاحظين إنه قل تساقط الرموش لأنه فيه ناس وايد تعاني من هالشيء وأنا كنت وحده منهم
وبعدين إن شاء الله بعد أسبوعين راح تلاحظين إنه فيه طول في الرمش
وأنا أول مره لاحظت لما كنت أحط مسكره عاديه أختي قالت لي ما شاء الله رمشج أطول عن قبل والحمد لله على هالنعمة
شو بعد يمكن نسيت شيء......... أيوه قبل الاستخدام رجي الزجاجه أو قارورة المسكرة على شان تختلط المكونات مع بعض .... شو بعد أوكيه إلي راح تستخدم زجاجه للخلطه لازم تغسل فرشاة المسكره قبل الاستخدام لأنه بيكون معرضه للأتربه أو حتى العوالق إلي في الجو فتغسلها وبعدين تستخدمها وبسم الله وعلى بركته وإن شاء الله راح تدعولي وإلي ما تستفيد تقول الله يسامحها ولا تدعي علي