السلام عليكم ورحمة الله وبركاته .........
اتمنى أن تكونوا جميعاً في اتم صحة وعافية أنتم وأولادكم وأزواجكم وجميع من تحبون .....
على قد ماكنت فرحانة أمس لأني تطمنت على صحة جنيني على قد ماتنكدت اليوم على الصباح وبكيت ولكن الحمد لله على كل حال اللهم لااعتراض ........... الدنيا هذه مافيها راحة أبدا
كلكم أكيد يتذكر موضوعي عن فيتامين د وهو موجود في توقيعي ....
ابني عمره 8 سنوات ونص سويت له تحليل فيتامين د وطلع عنده نقص حاد واليوم الصباح عرفت النتيجة ونسبتها
10,6 عشرة و6 من عشرة
ابني كانت تظهر له كدمات مرة بنية ومرة زرقاء تقعد فترة وتختفي بدون سبب وبدون مايصقع في شي نفس الكدمات الي كانت تظهر لي وكمان لما يلعب كورة في المدرسة يجي البيت يشتكي دايم من رجوله وادهن له بفكس وعلى فكرة من زمان كانت تظهر له وكان عندي شك انه يكون عنده نقص في فيتامين د بس قلت لا صغير ماهي معقولة ....... والي خلاني اسوي له التحليل هو انه ظهرت له بقعة صغيرة بيضاء على فخذه غائرة قليلا يعني داخله شوي عن مستوى الجلد وفيها لمعة وحوافها محدده وهذي سبق وأن ظهرت لي في فخوذي وفي يديني واللحين اشوفها في كل مكان بجسمي لما رحت كشفت عن دكتورة جلدية قالت لي لاتخافي هذي مش بهاق أو برص قلت لها ايش سبب ظهورها قالت كذا تظهر بدون سبب ... زي عادة أطباء هذا الزمن
مستحيل يقولوا مانعرف
قلت أكيد من نقص فيتامين د لأنها ظهرت قبل مايصير عندي النقص الحاد بفترة قصيرة جدا ...... وبعد ماشفتها في ابني شكيت وقلت بس في شي مشترك بيني وبينه عشان كذا سويت التحليل وطلع عنده نقص حاد بس الي مزعلني أن عمره 8 سنوات وعنده نقص حاد ؟
يعني الأم الي عندها نقص فيتامين د أكيد أطفالها راح يعانوا من هذا النقص
دعواتكم لي ولابني بالشفاء العاجل وان الله يمن علينا بالصحة والعافية وأن يسهل ولادتي ويجعل جنيني سليم صحيح معافى
اسأل الله الحي القيوم أن يمتعنا باسماعنا وابصارنا وقواتنا وأن يصرف عنا وعنكم كل سوء ومكروه
إضافه نبهتي لها إحدى الأخوات جزاها الله كل خير والله يشفي ولدها يارب هو أن الكدمات تظهر أيضا بسبب نقص في عدد الصفائح الدموية وهو مايعاني منه ولدها اسأل الله الحي القيوم أن يشفيه عاجلاً غير آجل .... ولكن عند عمل تحاليل الدم والتأكد من سلامتها فلا بد أن السبب هو نقص فيتامين د لذلك أنصح بعمل تحليل لمعرفة نسبته
أيضا تظهر الكدمات بسبب استخدام الأسبرين لأنه يسبب سيولة في الدم ......
دمتم في حفظ الرحمن
يلزم عليك تسجيل الدخول أولًا لكتابة تعليق.
انا دلع الولع
•
مشكوره والله يخلي لك اولادك ويحفظهم لك آمييييييين
آمين جزاكم الله كل خير والله يديم عليكم نعمة الصحة والعافية ..... سويتها لابني في مستوصف الريان بس التحليل مايسوونه عندهم يرسلوه على مختبر البرج هو الي يسوي تحليل نسبة فيتامين د ومن ضمن التحليل لازم يسووا تحليل الكالسيوم والفوسفات هذا يسوونه في الريان ......... يعني روحي مستوصف الريان أو أي مستوصف ثاني كلهم يسووا التحليل
الصفحة الأخيرة