بنات دائماً احلامي تتحقق، لشيء ولآي شيء،
لدرجة لما احلم حلم لاحد، يترجاني مَ اقولو ادا كان سيء مشان مَ يتحقق 😒
بس بحس دي الفتره وقفت الموجه اللي تخليني احلم :icon33:
الموقف الاول،
مره سافرنا بالسياره من الخبر، لقطر، ونحنا راجعين، بالليل الساعه 2 تقريبا،
اخدت غفوه قصيره، وحلمت ان الساعه 3:55 دقيقه، حيصير لنا شيء
صحيت مفجوعه، وحسيتها متل الرؤيا، واطالع للساعه خايفه خايفه خايفه 😱
واستنى هآلوقت وادعي يمر ع خير، جلست آوسوس 😥
وكلما يسرع زوجي، اقولو ارجوك هدي السرعه ولا تتهور، وانتبه لطريقك الله يخليك،
يقول عادي، مافي احد، وفعلا الطريق نوعا ما كان مهجور،
مافي سيارات غير وين ووين .. 😑
شويات وحسيت حاجتي للحمام، وانتو بكرآمه ..
ولقينا محطه نظيفه بس مهجوره، يعني حمامات واسعه وكبيره، ومسجد فقط ..
دخلت بسرعه وخرجت، ورجعت السياره، 😁
ونحنا ماشين وآلسيآره هادئه جدا، وبناتي نايمات، والكل ساكت ..
سمعت احد يدق الشباك تلات مرات، من جهتي طبعا، استغربت 😰
قولت اكيد المحركات اللي تحت السياره تضرب ببعضها،
او عصفور يدق بمنقاره، او حجره انصدمت بالشباك، مافي عذر غبي الا قولتو ..
شويا واسمع مره تانيه الشباك يندق تلات مرات 😶
ودقيت متلو تلات مرات ع الشباك ابغا اتاكد هوا نفس الصوت الصادر ولالا ؟!
كان نفسو تماما، .. ودق من بعدي تلات مرات .. 😶
وبرضو رجعت لأعذاري الغبيه، وقولت اكيد أصوات مُكرره تحصل كل شويا،
قومت دقيت الشباك مرتين، ودق من بعدي مرتين، 😨
ودقيت مره، ودق من بعدي مره، ودقيت تلات مرات ودق من بعدي تلات مرات ..
يعني شخص فاهم ووآعي، مو محرك سياره، او أحجار متل مَ توهمت ؟! 😱
واطالع بزوجي بس ماكان هوآ، وتغير وجهو انقلب، حسيتو خاف متلي ..
لما دق، انهرت وصرخت بقوه من الخوف، ونسيت المعوذات :icon30:
صرت اقول قل اعوذ برب الفلق، من شر الوسواس الخناس، قلبت السور فوق تحت 😥
واقول لزوجي ذكرني بسرعه ذكرني، ( آقصد المعوذات ) وهوآ يقول أذكرك بآيش ؟!!!
اقول اللي يوخر الجني، :rotaeye: وابسمل واكرر بسم الله بسم الله، مليون مره 😢
واخدها زوجي من باب فكاهي، وضحكني حتى دمعت عيوني، ونسيت الخوف ،
قال، الجني كان معنا ونزل آلمحطه، 😑
ويبغا يرجع ومآلحق يركب آلسيآره، وشكلو زحلق وطاح، :icon30:
وسالت ماما بعدين، قالت فعلا الجن مآيقدرو يدخلو ادا الباب او الشباك مقفلين،
وكان يدق مشان تفتحيلو ويدخل .. معقوله ؟! :ohplease:
بعد مَ استرجعت شجاعتي، دقيت كمان الشباك بس مَ رجع يدق،
وشكلو فعلا متل مَ حكى زوجي، زحلق وطاح .. :rotaeye:
اكمل لكم الحلم، قولت لنفسي طالما انو دا الشيء اللي بيخوفني،
أهون من حادث ولا شيء تاني، :icon29:
لكن الساعه لسه مَ وصلت 3:55 ؟! استنيت استنيت، وعلى نار، لحتى نومت ..
وفجاه اسمع صوت ارتطام كبير صدمنآ عجله شاحنه ضخمه وسط الشارع،
والتفت السياره بقوه، وانعدمت من قدام،
وصارت تسرب حاجه تحت بالسياره، وتطلع صوت غريب
وصحيو بناتي وجلسو يبكو لانهم خآيفين وتعورو من رؤسهم،
وانا كونت أصرخ لاني صحيت ع فجعه، 😑
واطالع ع طول للساعه طلعت 3:55 بالزبط، .. سبحان الله
شيء غريب انو آلعجله بهآلكبر وبهالشكل وسط الشارع ؟!
قال زوجي والله العظيم عيوني مفتوحه ع الطريق
لكن مَ شوفتها ؟! ابدا مَ شوفتها، كآنهآ فجأه طلعت لي . .
مادري ليش راح بالي ع اللي دق الشباك 😡
زعل منا لأننا مافتحنا وحاول يُضرنا، والله اعلم 😶
موقف آخر،
وانا صغيره، افتكر بابا كان يحط لجوآلو باسسورد ( كلمة سر )
وكونت مع بابا بالصاله، واطالع فيه .. 😥
واقول لنفسي، ليش يحط باسسورد غريبه ؟! 😒
بس مَ اهتميت، مجرد طلعت نسيت الموضوع، ومّر اليوم عادي، ونومت ..
وحلمت آلبآسورد تبع جوال بابا .. 😎
ونحنا جالسين نتغدا، قولتلو .. بابا حلمت آلبآسورد تبع جوالك !
ضحك وقال كم ؟! ، قولتلو 11225..
قولتها وانا اضحك لانو موستحيل احلم بالباس ؟!
كانت لقمه بيدو، وتجمد كدا ويطالع فيني مفجوع، 😕
قال، روحي جيبي الجوال، ولما جبتو .. قال اكتبي الرمز اللي حلمتيه ..
وكتبتو وانفتح الجوال، ؟! انصدمت وكولهم مصدومين :ohplease:
جا اخويا عندي، قال تكفين نامي وأحلمي أسئلة الاختبار بكره ههههَ
وكمان موقف،
زوجي مرا تآخر بالليل، وأدق ومآيرد عليا، او الجوال مقفول ..
قلقت كتير وشلت هم، ونومت كدا اخدت قيلوله 😴
وحلمت ان زوجي بغرفه غريبه، وكان جالس مع واحد
وقدآمهم صحن كبييير فيه أسلحه وذخائر ورشاش ومعرف شو،
قومت من النوم مصدومه، واتصلت ع زوجي، ورد عليا .. :kissa:
قولت فينك، قال نتمشى انا واصحابي، قولت كداب اعرف ايش تسوي 😡
انتا جالس مع واحد وجالس يوريك الأسلحة والمسدسات اللي عندو،
زوجي مفجوع، وسسساكت .. 😶 قال بسم الله كيف عرفتي ؟! مين قلك ؟!
قولت عندي مصادري الخاصه، 😌 وخاف ورجع ع طول، وصارحتو 😪
وكمان موقف،
مرا نومت وحلمت انو في خمس شباب من نفس قبيلتي بس مَ يقربو لي
جالسين بمكان وبسطه قهوه وشاي، اتنين واقفين بعيد،
وتلآته جالسين .. واحد متكي ظهرو وقريب من سيارتهم، والاتنين قدامو ومواجهين بعض ..
الموهيم، جت سياره مسرعه، بآتجاه اللي جالسين، وآنتبهو لها ..
بس مَ آمدآهم يهربو منها، والشاب اللي متكي ورا السياره انتبه لها ..
وجلس يقول، لا لا لاااا .. ويحاول يهرب ، وانتهى الحلم 😐💔
كان حلم مؤلم جدا جدا ، يعور القلب، قومت من النوم وانا ابكي تاثرت مرا مرا 😭
ساعتين كدا، وجا زوجي وأفطرنا سوا، وقال .. في حاجه صارت لاقاربنا بالمنطقه الفلانيه
قولتلو لحظه قبل تحكي، هما خمس شباب، وكأنو طالعين يتمشو، وجت سياره عليهم
قال ايوا، 😶 .. الموهيم طلع التلات شباب اللي كانو جالسين ماتو :icon33:
اندعسو بالسياره، الله يرحمهم
وآلشآبين اللي كانو بعيد مَ صارلهم شيء، الحمدالله،
كمان مره،
صارت مشكله مع زوجي وكدا بسبب اهلو، وقدر الله وتطلقنآ ..
وكونت اقول اصلا انا آلغلطآنه لو ماعملت كدا صار كدا، ولو عملت كدا ماصار كدا،
ونومت يومتها، وحلمت مصطلحات غريبه اول مره اسمع فيها،
كانت حرمه تمشي، وتوريني أشياء، وتقولي أسمائها ..
قومت من النوم وسجلت الكلمات بدفتر، كانت 4 مصطلحات غريبه
بحثت بالنت بالقاموس وطلعت كلمات عربيه فصيحه، بس محد يستعملها حاليا،
بحثت عن تفسير الحلم، عن طريق الكلمات .. 😑
كانت كل معنى تفسير كلمه، مُكمله لتفسير معاني الكلمات آلتآنيه ..
يعني كأنها جُمل متصله ببعضها، بس تفسير كل كلمه بصفحه ،
طلع تفسير، الكلمه الاولى انو اهل زوجي يظلموني وزوجي يشترك معهم بالظلم،
وتفسير الكلمه آلتآنيه، انو أخوات الزوج يحرضو الزوج على زوجته بالطلاق،
وتفسير الكلمه التالته، انو نفترق ويحصل الطلاق، وارجع بيت اهلي،
وتفسير الكلمه آلرآبعه، انو زوجي بيعرف غلطتو، وحيرجعني بعد فتره،
طبعا فيما معنى التفسير انا كونت مصدومه جدا جدا، وآقرآ وابكي من الصدمه،
سبحان الله والله وكآنو توضيح من ربي، انو مَ ظلمتهم، كونت انا آلمظلومه،
وكل التفسير صار بالحرف الواحد، وكآن الحكي موجه لي ..
ومرا كمان،
حلمت صوت مؤذن رآئع جدا، وأعجبت بصوتو بالحلم.. 😍
ولما صحيت تمنييييت ارجع اسمعو مره تانيه، او احد يعمل متلو، ❤️
وبالليل طلعنا نتمشى بمكان، ووقت الصلاه سمعت نفس المؤذن اللي بالحلم،
وانا من الفرحه مَ عرفت اعبر، جلست اقول ، اللللله ، يَااااه، وااااه .. 😂
لما راح زوجي يصلي بنفس المسجد، سآلهم زوجي عن المؤذن،
قالو دوبو جديد، كانو يجربو هل صوتو حلو لما يآذن ولا لا ، يبغو يعتمدوه يعني،
وبس مواقف كتير تصير مع الأحلام،
ايش رايكم، ؟! في وحده تبغاني احلم لها شيء معين ؟! :icon19:
آلعذرآء، @alaathraaa_6
عضوة نشيطة
يلزم عليك تسجيل الدخول أولًا لكتابة تعليق.
خرمسي
•
طيب انت تحلمين ويتحقق
انا اتمنى شي وبنفس اليوم يجيني بدون ما اتكلم بس اتمناه بقلبي وكثير تصير معاي 😅وش تفسيرها هذي ودي اعرف وش تفسيره
يعني احيانا اتمنى ولدي يحفظ لحاله
ويجيني حافظ دروسه كذا بدون مقدمات
اتمني حلق ذهب وزوجي سبحان الله يكون برا ويوم يجي الا جايب بيده حلق لدرجه اني صرت اخاف ان احد يسمعني بدون ما اتكلم بسم الله علي😳
انا اتمنى شي وبنفس اليوم يجيني بدون ما اتكلم بس اتمناه بقلبي وكثير تصير معاي 😅وش تفسيرها هذي ودي اعرف وش تفسيره
يعني احيانا اتمنى ولدي يحفظ لحاله
ويجيني حافظ دروسه كذا بدون مقدمات
اتمني حلق ذهب وزوجي سبحان الله يكون برا ويوم يجي الا جايب بيده حلق لدرجه اني صرت اخاف ان احد يسمعني بدون ما اتكلم بسم الله علي😳
سبحان الله
انا مثلك بس باختلاف بسيط اني ماافهم احلامي الا بعد ماتصير
اخر مره حلمت اني رحت اعزي ببيت ناس صغير وعلى قد حالهم وانا مستغربه نص الحريم اللي عزيتهم مااعرفهم بس صاحبة العزا كانت مرررره تبكي وتعبانه وصحيت من نومي الفجر وصليت وانا حاطه يدي على قلبي خايفه مااعرف مين بيموت
ومع اشغال اليوم نسيت الحلم وعلى اذان الظهر الا زوجي يرسل لي انه ولد خاله توفى عمره 21 سنه وفعلا انا مااعرف اهله بس امه اللي اعرفها وكمان تعبت من بعد وفاة ولدها والعزا كان في شقتهم صغيره
وكمان مره حلمت انه انا كنت امشي وادور على شي ضاع مني وكانوا اهل زوجي كلللهم يدوروا معايه حتى اللي من زمان ماشفتهم بس مااهتميت بالحلم
وفي الظهر ضاعت مني بنتي وطلعت ادور عليها في الشوارع زي المجنونه واهل زوجي كللهم يدورا معايه
كثير اشياء احلم فيها بس ماافهمها الا بعد ماتحصل
انا مثلك بس باختلاف بسيط اني ماافهم احلامي الا بعد ماتصير
اخر مره حلمت اني رحت اعزي ببيت ناس صغير وعلى قد حالهم وانا مستغربه نص الحريم اللي عزيتهم مااعرفهم بس صاحبة العزا كانت مرررره تبكي وتعبانه وصحيت من نومي الفجر وصليت وانا حاطه يدي على قلبي خايفه مااعرف مين بيموت
ومع اشغال اليوم نسيت الحلم وعلى اذان الظهر الا زوجي يرسل لي انه ولد خاله توفى عمره 21 سنه وفعلا انا مااعرف اهله بس امه اللي اعرفها وكمان تعبت من بعد وفاة ولدها والعزا كان في شقتهم صغيره
وكمان مره حلمت انه انا كنت امشي وادور على شي ضاع مني وكانوا اهل زوجي كلللهم يدوروا معايه حتى اللي من زمان ماشفتهم بس مااهتميت بالحلم
وفي الظهر ضاعت مني بنتي وطلعت ادور عليها في الشوارع زي المجنونه واهل زوجي كللهم يدورا معايه
كثير اشياء احلم فيها بس ماافهمها الا بعد ماتحصل
السلام عليكم ورحمة الله وبركاته
ربما من الله عليك بهذا لصدقك في حديثك
وأحب أن أضيف أنه لا يجب عليك القلق من الأحلام المخيفة, بل اتفلي على شمالك ولا تخبري أحدا
( وإن رأى ما يكره فليتفل عن يساره ثلاثاً ، وليتعوّذ بالله من شر الشيطان وشرها ، ولا يحدث بها أحداً ؛ فإنها لن تضره ) رواه البخاري ومسلم
ربما من الله عليك بهذا لصدقك في حديثك
وأحب أن أضيف أنه لا يجب عليك القلق من الأحلام المخيفة, بل اتفلي على شمالك ولا تخبري أحدا
( وإن رأى ما يكره فليتفل عن يساره ثلاثاً ، وليتعوّذ بالله من شر الشيطان وشرها ، ولا يحدث بها أحداً ؛ فإنها لن تضره ) رواه البخاري ومسلم
الصفحة الأخيرة
في اخر الزمان تصدق الرويا اذاا كانت معلوماتي صحيحه 😃👆
اتوقع اخر سؤال مايصلح تسألينه هذي من الغيبيات 🌹