كيفكم حبايبي ؟؟؟
اليوم ولأول مرة في تاريخ اشتراكي بعالم حواء قررت اشارك في قسم المطبخ <<<< خخخخخخخخ
وبكل الحب وبكل الود اهدي جميييييييييع خواتي في منتدى حواء الغالي هذه المشاركة البسيطة
واهداء خاااااااااااص للغالية ام الذرابة ((( ولا هانو الباقيات )))
اللي اطبق وصفاتها عمياني وانا مغمضة وتضبط من اول مرة
واشكرها على شرحها المفصل الدقيق وجهدها في كل موضوع
<<<<<<<<< كان معاكم برنامج اهداءات وتهاني
^
^
^
مالكم بالطويلة <<<<<
زوجي:arb: كان في المانيا الأسبوعين اللي راحو ورجع لنا بالسلامة فحبيت احتفل :3_10_6:
زينت الصالة وغرفة النوم عشان افاجئه و حضرت له الغدا اللي يحبه قلبه وقلت ادلعه شوي كمان
((مسكين عور قلبي مالقي كبسة هناك ولا ضرب بالخمس))
بسم الله ولا حول ولا قوة إلا بالله
هذي صور غرفة المعيشة ((ماني مصورة لكم غرفة النوم <<<<ادري بتموتو تبغو تشوفوها>>>>خخخخ بس بخبركم ان الزينة كانت فضي واحمر والبالونات قلوب حمرااااااااا))
هذي صورة للسفرة (من غير التشيز كيك وكيكة المانجا )
المقبلات سلطة فتوش كلكم تعرفوها ماله داعي الشرح <<<<< قلت لكم عجاااااااااازة
الطبق الرئيسي الزربيان
الطريقة
علبة زبادي ابو ريال (لكل 400 جرام لحمة) تحطيها في زبدية وتحطي عليها البهار (م صغيرة بس مليانة بهارات مشكلة - كركم - ملح- كاري المهران- 1م ك خل – ثوم مفروم ناعم)
تجيبي اللحمة منظفة من الشحم ومغسولة وتحطيها في الزبدية وتقلبيها في الخليط بقووووووووة
انا استخدمت كيلو لحمة فضاعفت الكمية وتخليها تنقع في الخليط ممكن من بالليل وتحطيها في الثلاجة
بعدين نجي لطبخ اللحمة ولها طريقتين لو انت راعية قدر الضغط اضغطي اللحمة ومعها خلطة الزبادي اللي كانت منقعة فيها وبنص ساعة تكون مستوية
والثانية انك تخليها تطبخ على نار هادية في قدر عادي لمدة ساعة ونص حسب حجم اللحم اللي عندك
انا بالعادة اسويها بقدر الضغط ، حطي معها ورق غار ولومي
يتبع ارجو عدم الرد
بعدين تخلي الماء ضعف كمية الرز اللي عندك وتحطيه على النار ومعاه ملح قرفة اعواد ،هيل حب وكثري الهيل عشان الريحة، ورق غار وخليه يستوي ثلثين استوا انتبهي لا يستوي الرز زيادة لأنه بيخرب بعدين ولما يجهز صفيه من الماء عدل عدل وخليه على جنب (نسيت اصورها)
:35:
قطعي بصلتين كبار جوانح –وخذي وحدة منهم بس وحمريها في زيت (خليكم من البصل المفروم اللي في الصورة :confused- داخل بالغلط )
نجيب قدر ثالث <<<<< خلصت القدور وكثرت الغسيل وهي بعدها ماخلصت :3_13_12: :angry:>>>>>خخخخخخخ
خليه يكون وسيع شوي مبحبح يعني عشان الرز يرتاح فيه <<<< مو تروحي تحطيه في المجلس
تصبي فيه شووووووية زيت وجيبي البصلة الثانية اللي اول قطعناها جوانح وحمسيها في الزيت لين تحمر مع شوية ثوم مفروم
>>>>>>ماني مصورة حتى البصل وهو يتحمس
وإذا اتحمر البصل صبي فوقه اللحمة والسوائل اللي بقيت معها في القدر بعد الطبخ ورشي فوق اللحمة كمون مطحون م ص بس وجيبي نص كمية البصل اللي حمرناه وشلناه على جنب اول ورشيه فوق اللحم
انتبهو لنقطة مهمة وهي ان اللحمة لازم تكون في مويتها مو تحطوها ناشفة بدون ، بعدين تنحرق شوفو الصورة كويس
جيبي الرز وصبيه فوق اللحمة والبهار والبصل بس لا تضغطي عليه ولا تحاولي تدخليه بين اللحم لا لازم يكون فوقه وموزع بخفة وصبي موية على الرز مقدار ثلث كوب عشان لا ينحرق اللحم تحت
جيبي3 م ك زيت ورشيها على الرز من فوق وزيني الوجه بزبيب الطبخ وبزعفران لا تكثري بيصير الرز كله اصفر واحنا نبغاه 3 الوان ابيض واصفر واللي بيتلون تحت بلون سوائل اللحم
خلي النار عالية اول ماتسمعي ان الماء اللي في قاع القدر بدت تغلي خففي النار وجيبي زبدية صغيرة فيها زيت اغرسيها بنص الرز وارمي جمرة حمرا فيها وسكري القدر كويس مرة بحيث تكتمي البخار داخله وعشان كذة انا استخدمت قدر الضغط الكبير عشان غطاه ثقييييييييل ويكتمه كويس وبكذة بخرنا الرز
(صورت قبل ماحط الزبيب )
خليه على نار هادية 20 دقيقة لحد مايستوي الرز
وقدميه مزين بالبصل الجوانح الباقية (طبعا تخرجي ورق الغار والقرفة الأعواد منه) ............. مممممممممممم
وعافية على قلوبكم
يتبع لاحد يرد