ماشاء الله لا قوة الا بالله
اللهم ارزقني علماً نافعاَ ورزقاً وافرا وعملاً متقبلا
وجميع اخواتي اللاتي يقرأن الموضوع
اكيد دخلتو عشان هالكلمه وتبون التقليد والدرعمه صح عشان تكسبون ازواجكم اجل شوفو الصور الايجابيه الي حطيناها لكم :)
اول شي بسم الله الرحمن الرحيم والصلاة والسلام على اشرف الانبياء والمرسلين يابنات انا كتبت لكم هالموضوع ومابي منكم الا الدعوات الصالحه
اعتبرو حتسيي الي بقوله كلام من اخت الى اختها ..
الموضوع ومافيه سلمكم الله اني ابي الخير لكم , انا دكتوره تخصصي علم نفس ,, وحابه اتكلم معكم بدون تكلف ولا مصطلحات صعبه ,,
حنا حريم مساكين انخلقنا في كبد , ومجاهد , دورة ورجال وقلق ومبزره وازمات نفسيه وانعدام في الحريه الي بدون ما تخالف العقيده الاسلاميه , وفيه حريم مشتددات على غير سنع وعنجهيات وبعضهم امّعات , وبعضهم تنهب بإرادتها ,,
ياحريم يابنات الي ابي اوصله هو نقطة تغيير ايجابيه في كل امرأه ,,
لازم تتغيرون ياحريم , لازم تحبون انفسكم , بطلو شكاوي من اليوم ورايح ,
خلوكم مثقفات اقرو كتب وافهمو الحياة على اصولها , لاتعلقون قلوبكم بهالرجال ,, علقوها بربكم , وقسم بالله ان يلهثون وراكم بدون تعب منكن ولاشى
عيشو حياتكم زي ماتبون بس لاتخربونها ,
الاغلبيه هنا طايح شتم ونياح وقهر على هالرجال ,, يعني الى متى ؟
كل وحده صاير اكبر همها هالرجال ؟؟
ليه ما تتحروون ؟ ليه ما تعيشون حياة ذات اسلوب ايماني رفيع يحفظ لكم جميع حقوقكن .
في هالزمن ياتصيرون قويات ولا كل وحده ياطا راسها ان شافها انواع الضعف ,,
لازم انكم تتشجعون وتقوون , وتحطون في بالكم ان لكل مشكله حل ,
* اللي تغازل تترك الي تغازله وتتنظف منه وتعيش حياة طاهره بقرب ربها وبحبها لنفسها وتكون لروحها مشروع يحفظها ويقضي وقتها,
* الي تافلن في وجهها زوجها لاتجلس تتكشخ له وتتزين له من قلب وتحوس وتدوس واخرتها مايتمقل بها وتصكها بتسيه 20 سنه , السخره من الله انتي وياها تعوذ من الشيطان وتقول طز فيك وتلبس لنفسها وتهتم بعمرها وتجدد شبابها , مهوب تدق بهالاكل وتقول انا مكتئبه انا زوجي مايحبني ,,
ياماما اذا هو انسان همجي ويحب الي ضعيفه عشان يقهرها ف تستاهلين لازم الضربه الي توجعك تقويك ,
· عيالكم ياجماعة الخير ,, شوفو لهم حل ,, انتبهو عليهم ربوهم على التربية الاسلاميه والاخلاق الزينه ,,
قسم بالله اغلب بزران السعوديه والخليج فاقدين الاخلاق والتربيه والبرائه ,, يجيك الطفل حالته مزريه بالشكل يتفل على معلمه الي كبر ابوه وابوه يشجعه كفوو وامه تقول يستاهل خير وين حنا في بياره ؟
تجيك بزر صغيره شوشه لاشكل ولا لبس زين وانواع الحتسي الماصخ ليه يعني ؟ وش هالبيئه الي عايشه فيها موب حرام انها تتربى بهالشكل ؟ ليه مايكون فيه اهتمام فيهم ؟
الغرب يقتدون بعاداتنا الاسلاميه وحنا نتجاهلها ونتبرمج على هوانا وليته على شي يرفع الراس الا والله يدق الخشم بالارض !
· بناتكم انتبهو عليهم من النت ,, ماقلت امنعووهم بس خلوكم اسره مثقفه اجلسو ع النت تبادلو احلى المواقع الثقافيه وحببو عيالهم وبناتكم فيها ,,, اغرسو هالشي فيهم ,, لا شفتو عياكم متحمسين للمستقبل لا تهشمونهم ,,
· بالعكس اوقفو معهم ,, خلوكم قربهم ,, قسم بالله مادمر البنات الا حركة التفضيل على العيال ,,
· ترا البنت لها رب / الام الي تستحقر بناتها وتغار منهم وتقهرهن وش تحس به ... ؟
في عيادتي النفسيه يجوني بناات يشتكون من هالشي واتصالات اغلبها من هالمشاكل ,, امي ماتحبني امي تغار مني ابي اعرف ليه يصير كذا ؟!
· مسألة سفر البنت للدراسه بالخارج ,, ليه ماتخلونها تروح للخارج اذا هي انسانه ملتزمه وواثقين فيها ,, ترا هالشي يشرف يا اخواتي العزيزات ,, ادعمو بناتكم واغرسو فيهن الخوف من الله ولاتحرمونهن من شي خلوهم يروحون وتصنع نفسها بدل ما تتزوج وتنذل لزوجها عطني فلوس جيب لي كذا وكذا ,, اغرسو فيهم عزة النفس ,, والشمووخ ,, !
· ربو عيالكم على الرحمه وحسن الخلق , لما يشوف مكان وسخ مافيها شي تقولين له تعال يابابا شرايك ننظف هذا نكسب حسنات ,, وشجعييه ,, بكذا نكون اسره نظيفه ,, تشع منها المحبه ورقة القلب ,,
مابي اطول عليكم بترك الحديث لصديقتي الدكتورة ربى,, والي عندها شكوى او حاجه مضايقتها تبادرني فيها وبحلها معها ان شاء الله ,, بس دعواتكم ربّي يسعدكم ,,
ملاحظة /
الردود الي فيها شكراً يسلموو يعطيك العافيه جزاك الله خير بدون مناقشه مانبيها نبي ناس تناقش عشان نحس ان الموضوع انفهم ووصل !
يتببببببببببببببببببببع
جروح الليالي @groh_allyaly
عضوة جديدة
يلزم عليك تسجيل الدخول أولًا لكتابة تعليق.
رمرووووم
•
يا شيخة ربي يسلللللللللللللمك على كل كلمة قلتيها ..
من جد واقعنا مؤسف وأحياااااااااااااااانا مقرف .. الله يعين يارب ونبني جيل صح ..
تحياااااااااااااااتي يا عسولة .
من جد واقعنا مؤسف وأحياااااااااااااااانا مقرف .. الله يعين يارب ونبني جيل صح ..
تحياااااااااااااااتي يا عسولة .
الصفحة الأخيرة
اشكرتس اختي جروح الليالي وهذي اضافتي ارجو ان تنال على اعجابكم
...
اول شي وشلونكم يابنات ان شاء الله بخير
موضوعي يتكلم عن كيفيه تنظيم الوقت و استغلاله
كثير بنات يتسائلون كيف ينظمون اوقاتهم
ويضيق عليها الوقت وتهمل زوجها وعيالها وبيتها وهذا اللي نرفضه
نبدا بسم الله وعلى بركة الله
عزيزتي الزوجه لاصحيتي من النوم روحي طيران للحمام وانتم بكرامه |||
فرشي سنونتس رتبي شوشتس وبعدين قومي رجلتس لدوامه ولادخل يتروش وفييتس حيل ولمي له ثوبه وفوطته واشيائه ||| وروحي المطبخ سوي فطوركم مهب لازم تتكلفين |||
كوب شاهي وساندويش بيض او جبن عاد على السعه ||| وافتحي التلفزيون ||| وسوي له ترمس شاهي عاد كان وده ياخذه معه يروق عليه بمكتبه |||
وهمن لاطلع سكري الباب وراه وروحي نظفي البيت وغسلي مواعين الفطور او العشاء اذا من امس ومافيتس حيل تغسلين ||| طريقة تنظيف البيت السهله والسريعه واليوميه ق1 |||
سلمتس الله ابدي اول شي بمواعين المطبخ خلصيها ||| بعدين خوذي ثياب رجلتس وعيلانتس وحطيها بالغساله بالدور طبعا مايحتاج اعلمكم ||| اول شي ملابس رجلتس بعدين هدوم اطفالتس ابدي من الفاتح للغامق ||| واعزليهن طبعا ||| وغيري المويه اذا احتاج الامر |||
المهم بعدين فتحي درايش البيت كلهااااااا ||| وضفضفي البيت وودي كل شي لمكانه ||| طلعي مكنسة الكهرب واكنسي الاماكن الوصخه واللي دايم تكونون متواجدين فيها مثل الصاله والممرات ||| ورجعيها مكانها |||
جيبي طشت وحطي فيه ديتول ومويه وغطا كومفرت حق الملابس ق1 او اي ماركه ||| وخوذي المساحه سلمتس الله ومسحي فيها البيت ||| والمويه اللي تبقى هذي اللي بنستعملها لغسل الحمام اليومي ||| و
وزعيها على حمامات البيت ومايحتاج شطف لانها اصلا مهب صابون ||| كذا خلصنا من تنضيف البيت وبكل راحه ق1 |||
روحي الحمام وتروشي عاد مهب تتكلفين كنتس عروس وهالخرابيط ||| لا لا ||| اسمعي هالطريقه ||| ادخلي وافتحي الدش وخليه يصب عليتس ||| وغسلي شعرتس بالشامبو |||
وبعدين خوذي الليفه المغربيه انا انصحكم فيها يابنات هي احسن ليفه تنظف الجسم ||| ومع صابون سائل طبعا وانصحكم بديتول ق1 |||
وفركو جسمكم من فوووووووق لتحت ||| وكانكن تستعملون الموس شيلو الشعر عقب الصابون وبعدين اشطفو جسمكم بالمويه ||| وبعدين خوذي مقشر الوجه وغسلي فيه وجهتس واشطفيه وخوذي الغسول المهبلي وغسلي به
واشطفيه بمويه ||| بالنهايه خلي المويه البارده تصب عليتس انواع الانتعاش والنشاط ومنها تتسكر المسامات ق1 ||| والبسي بجامة بيت مريحه او قميص خفيف وشعرتس اربطيه ذي حصان ق1 |||
وروحي ومددي عاد على كنب الصاله وطقطقي في التلفزيون والنت الييييين قبل ساعتين من رجعة زوجتس من العمل
||| وهمن اقمزي للمطبخ وسوي غداتس وانتبهي من الدهون انتبببببببهي ||| لاتكثرين ابد ||| مامنها فود غير الامراض الله يبعدنا عنها قولو امين ق1 ||| وقطعي السلطه اهم شي تراها مفيده ق1 ||| وحطي معه لين عاد او عصير او مويه اللي تفضلونه |||
وشبي على غداتس وقطعي السلطة وزيني العصير وروحي عاد ارتاحي اليين يجي رجلتس من دوامه ||| وعاد لادخ
مهب تروحين له كنتس متشفقه عليه وهالحركات اللي مامنها فايده غير بزة رجلتس عليتس وحقرانه |||
لا سلمتس الله اربضي فأرضتس الين يجيتس برجلينه ||| وهمن عاد ابتسمي له واسئليه احطلك الغدا تبيه الحين ولا عقب وهمن روحي حطيه له وافتحو على مسلسل او برنامج حلو |||
وهمن لاخلصتو ضفي المواعين وعوديه يساعدتس واجدعيها بالمطبخ وروحو لغرفه النوم تنامون لكم كم ساعه ترتاحون فيها ||| ولا دخلتو عاد سولفو شوي مثلا وش سويتو بشغلكم ومن هالحتسي ||| اليييين تنامون |||
وان كان عندتس عيلان فتحي لهم البلاي ستيشن والتلفزيون واهم شي سكري المطبخ اهمممم شي لاوصيكم يابنات |||
المهم ولاقمتو سوي قهوه ق1 |||
وكان ودتس بحلا بسيط ولا شوكلاته وتقهوو وسولفو سوا واذا عندكم بزران جيبوهم معكم المهم تصير جلسه عائليه كان عندكم العاب مثل اونو ومنبولي وهالاشياء جيبيها وسعو صدوركم عليها ||| وهمين سلمتس الله لاذن العشاء وراح رجلتس يصلي وكان عندتس بزران اطرديهم معه ق1
||| وروحي صلي وحضري العشاء عاد ||| اشياء خفيفه ساندوتشات واشياء زي هيك ||| عاد من هالوقت يبدا يومتس تبين تطلعين و تتسوقين اوتتمشين وتسيرين او تقرين كتب تطالعين افلام خذي راحتس ولاجت الساعه 11 او 12 رقدي عيالتس وروحي ارقدي مع رجلتس ,, وبمناسبة النوم بعد لي موضوع بتكلم به |||
ولاتنسونا من دعواتكم الطيبه بارك الله فيكم
ونشوفكم في موضوع آخر ان شاء الله
في امان الباري
,,,,
بوضح شغله ماعجبت البعض ,, اتوقع فاهمين غلط ,,
هذا ردي نسخته لكم لكم اتمنى يوضح مقصدي
حتى النظافه بعد بتنسبونها للزوج
اوكيه تخيلي انتس عايشتن لحالتس ,, بتتركين بيتس وصخ ويطقه الغبار ؟
انا تكلمت عن طريقه سهله للتنظيف سواء متزوجه ولا عازبه
وغير كذا بالعكس الصبح كله على النت اللهم قضيتي ساعه منها شغل ,, الظهر تسوي غداتس ,, العصر تنامين ,, تقومين تتقهوين وتسولفين ,, الين العشاء ,, بعدين تسوين العشا وتتعشون وعاد من هالوقت الييين وقت النوم بامكانتس تسوين اللي تبينه ,, تقعدين معه تطلعين زيارات تقرين كتب تتابعين افلام
ماشوف اني مركزتن عليه
خير الامور اوسطها لاتهملين رجلتس ونفستس ولا تنمرضين وراهم